ḳhwáhish hámila hokar gunáh ko jantí hai

Khudawand ke kalaam mein  likha hai

Yaʻqúb 1;15 Phir ḳhwáhish hámila hokar gunáh ko jantí hai; aur gunáh jab baṛh chuká to maut paidá kartá hai

Or yahi khwahish bag –e-adan mein  hamila hui jab

Paidáish 3;6 ‘Aurat ne jo dekhá, ki wuh daraḳht kháne ke liye achchhá aur áṉkhoṉ ko ḳhushnumá ma‘lúm hotá hai, aur ‘aql baḳhshne ke liye ḳhúb hai, to us ke phal meṉ se liyá, aur kháyá; aur apne shauhar ko bhí diyá, aur us ne kháyá.

,( yeh wuhi nek o bad ki pehchan ke darkht ka phal hai, jisse na khane ke liye khuda ne aadam ko hukam diya,aur kaha jis roz tu ne us men se khaya tu mara ) 

 Paidáish 3;7 Tab donoṉ kí áṉkheṉ khul gayíṉ, aur un ko ma‘lúm húá ki wuh nange haiṉ; aur unhoṉ ne anjír ke pattoṉ ko síkar apne liye lungiyáṉ banáíṉ. 8 Aur unhoṉ ne ḲHUDÁWAND Ḳhudá kí áwáz, jo ṭhanḍe waqt bág̣ meṉ phirtá thá, suní: aur Ádam aur us kí bíwí ne áp ko ḲHUDÁWAND Ḳhudá ke huzúr se bág̣ ke daraḳhtoṉ meṉ chhipáyá. 9Tab ḲHUDÁWAND Ḳhudá ne Ádam ko pukárá, aur us se kahá, ki Tú kaháṉ hai? 10 Us ne kahá, Maiṉ ne bág̣ meṉ terí áwáz suní, aur maiṉ ḍará, kyúṉki maiṉ nangá thá; aur maiṉ ne apne áp ko chhipáyá.

Paidáish 3;17 Aur Ádam se us ne kahá, Chúṉki tú ne apní bíwí kí bát mání, aur us daraḳht ká phal kháyá, jis kí bábat maiṉ ne tujhe hukm diyá thá, ki Use na kháná: is liye zamín tere sabab se la‘natí húí; mashaqqat ke sáth tú apní ‘umr bhar us kí paidáwár kháegá; 18aur wuh tere liye káṉṭe aur úṉṭkaṭáre ugáegí; aur tú khet kí sabzí kháegá; 19tú apne muṉh ke pasíne kí roṭí kháegá, jab tak ki zamín meṉ tú phir lauṭ na jáe; is liye ki tú us se nikálá gayá hai: kyúṉki tú ḳhák hai, aur ḳhák meṉ phir lauṭ jáegá.

Likha hai

Yaʻqúb 1;15 aur gunáh jab baṛh chuká to maut paidá kartá ha

 

21 Aur ḲHUDÁWAND Ḳhudá ne Ádam aur us kí bíwí ke wáste chamṛe ke kurte banákar un ko pahináe.

Isi waqt aadam or hawa ki nafrmani ki wazah se pehli bar  be aib jandar ka khudawnd ke hazoor laho baha yani qurbani hui jisne koi bhi gunah na kiya tha or aadam or hawa ke os gunah ko yani nangepan ko be aib jandar ke khoon se chipaya  Hum jante hain ki chamra jo hai jandar ki   khal ka banta hai or chamre par khoon bhi laga rehta hai ,

Wuh kisi bhi chupayein ka  ho sakti hai , yani gai bail aur bher bakri ka

AHBÁR 1

1 Aur ḲHUDÁWAND ne ḳhaima e ijtimá‘ meṉ se Músá ko bulákar us se kahá, 2 Baní Isráíl se kah, ki Jab tum meṉ se koí ḲHUDÁWAND ke liye chaṛháwá chaṛháe, to tum chaupáyoṉ, ya‘ní gáe bail aur bheṛ bakrí ká chaṛháwá chaṛháná.

3 Agar us ká chaṛháwá gáe bail kí soḳhtaní qurbání ho, to wuh be‘aib nar ko lákar use ḳhaima e ijtimá‘ ke darwáze par chaṛháe, táki wuh ḳhud ḲHUDÁWAND ke huzúr maqbúl ṭhahre.

Wuh charhawa charane ka hukam jo  khudawand ne musa ko bolakar kaha wuh,  apne liye nhi balki insaan ke  gunaho ko yani nangepan ko  os lanat ko  dankne ke liye eska hukam diya,jo aadam or hawwa ki nafrmani ki wazah se zamin ke har insaan par hakumat  kar raha tha ,

Kyu ki yasiyah nabi marifat khudawand faramte hain,

Yasa‘iyáh 1;11 Tumháre zabíhoṉ kí kasrat se mujhe kyá kám? maiṉ meṉḍhoṉ kí soḳhtaní qurbáníoṉ se aur farbih bachhṛoṉ kí charbí se bezár húṉ, aur bailoṉ aur bheṛoṉ aur bakroṉ ke ḳhún meṉ merí ḳhushnúdí nahíṉ. 12Jab tum mere huzúr ákar mere dídár ke tálib hote ho, to kaun tum se yih cháhtá hai, ki merí bárgáhoṉ ko rauṉdo? 13 Áyande ko bátil hadye na láná, baḳhúr se mujhe nafrat hai,

 

ḲHURÚJ 12;1

ḲHUDÁWAND kí fasah kí qurbání ke waqt bhi khudawand ne jab musa ko  mahínoṉ ke shurú‘ aur sál ke pahle mahíne ki shruaat ke bare mein Isráílíoṉ kí sárí jamá‘at se  batane ko   kaha

 3 Pas Isráílíoṉ kí sárí jamá‘at se yih kah do, har shaḳhs apne ábáí ḳhándán ke mutábiq, ghar píchhe ek barra, le

5 Tumhárá barra be‘aib, aur yaksála nar ho:

6 aur Isráílíoṉ ke qabíloṉ kí sárí jamá‘at shám ko use zabh kare.

7 Aur thoṛá sá ḳhún lekar jin gharoṉ meṉ wuh use kháeṉ un ke darwázoṉ ke donoṉ bázúoṉ aur úpar kí chaukhaṭ par lagá deṉ. 

12  Is liye ki maiṉ us rát mulk i Misr meṉ se hokar guzrúṉgá, aur insán aur haiwán ke sab pahlauṭhoṉ ko jo mulk i Misr meṉ haiṉ, márúṉgá; aur Misr ke sáre deotáoṉ ko bhí sazá dúṉgá. Maiṉ ḲHUDÁWAND húṉ. Kyúṉki ḲHUDÁWAND Misríoṉ ko mártá húá guzregá;

13  Aur jin gharoṉ meṉ tum ho, un par wuh ḳhún tumhárí taraf se nishán ṭhahregá:

Jo ke ye nishan saleeb ko darshata hai

 

 aur maiṉ us ḳhún ko dekhkar tum ko chhoṛtá jáúṉgá;

aur jab maiṉ Misríoṉ ko márúṉgá, to wabá tumháre pás phaṭakne kí bhí nahíṉ, ki tum ko halák kare. 14Aur wuh din tumháre liye ek yádgár hogá; aur tum us ko ḲHUDÁWAND kí ‘íd ká din samajhkar mánná. Tum use hamesha kí rasm karke us din ko nasl dar nasl ‘íd ká din mánná.

or wuhi saleeb jo masih yesu ke waqt darwaza theri or us darwae par masih yesu ka lahu nishaan tehra jiski wazah se aaj wabá humháre pás phaṭakne kí bhí nahíṉ, ki humko ko halák kare

Yúhanná kí Injíl 3;6 Kyúṉki Ḳhudá ne dunyá se aisí mahabbat rakkhí, ki us ne apná iklautá Beṭá baḳhsh diyá, táki jo koí us par ímán láe halák na ho, balki hamesha kí zindagi páe.

Galatíoṉ 3;13 Masíh jo hamáre liye laʻnatí baná, us ne hameṉ mol lekar sharíʻat kí laʻnat se chhuṛáyá: kyúṉki likhá hai, ki Jo koí lakṛí par laṭkáyá gayá, wuh laʻnatí hai,

 

AUR YE TAMSIL KHUDAWAND KI TARAF SE MUSA KI MARIFAT KAHI GAI OR HAQIQI TAUR PAR GUZARNI GAI,OR GAWAHI KE TAUR PAR MASIH YESU ke HAQ MEIN KITBA –E MUQADDAS MEIN LIKHI GAYI,

Taki WAQT PURA HUNE Par  JAB KITAB-E MUQDASS KI YE GAWAHI MASIH YESU KE HAQ MEIN PURI HO HAR GUNAH GAR SHAKS,HAR ALMEIN SHARA,HAR BASHAR USPAR IMAN LAYE UR MASIH YESU KO KHUDAWAND KI TARAF SE BEJA  HUA,izhare-mahobbat  EK LAUTA BETA QABUL KAREIN

Lúqá kí Injíl 22;7  Aur ʻIʹd i Fatír ká din áyá, jis meṉ Fasah zabh karná farz thá. 8Aur Yisúʻ ne Patras aur Yúhanná ko yih kahkar bhejá, ki Jákar hamáre kháne ke liye fasah taiyár karo. 9Unhoṉ ne us se kahá; Tú kaháṉ cháhtá hai, ki ham taiyár kareṉ? 10Us ne un se kahá; Dekho, shahr meṉ dáḳhil hote hí tumheṉ ek ádmí pání ká ghaṛá liye húe milegá; jis ghar meṉ wuh jáe, us ke píchhe chale jáná. 11Aur ghar ke málik se kahná, ki Ustád tujh se kahtá hai; Wuh mihmánḳhána kaháṉ hai, jis meṉ apne shágirdoṉ ke sáth Fasah kháúṉ?

13 Unhoṉ ne jákar, jaisá us ne un se kahá thá warsá hí páyá, aur Fasah taiyár kiyá.

15 Us ne un se kahá; Mujhe baṛí árzú thí, ki dukh sahne se pahle yih Fasah tumháre sáth kháúṉ; 16 kyúṉki maiṉ tum se kahtá húṉ, ki Use kabhí na kháúṉgá, jab tak wuh Ḳhudá kí bádsháhat meṉ púrá na ho.

17 Phir us ne piyála lekar shukr kiyá, aur kahá, ki Is ko lekar ápas meṉ báṉṭ lo: 18kyúṉki maiṉ tum se kahtá húṉ, ki Angúr ká shíra ab se kabhí na píúṉgá, jab tak Ḳhudá kí bádsháhat na á le. 19Phir us ne roṭí lí, aur shukr karke toṛí, aur yih kahkar un ko dí, ki Yih merá badan hai, jo tumháre wáste diyá játá hai: merí yádgárí ke liye yihí kiyá karo. 20Aur isí tarah kháne ke baʻd piyála yih kahkar diyá, ki Yih piyála mere us ḳhún meṉ nayá ʻahd hai, jo tumháre wáste baháyá játá hai. 

17 Matí kí Injíl 5;Yih na samjho, ki maiṉ Tauret yá nabíoṉ kí kitáboṉ ko mansúḳh karne áyá húṉ; mansúḳh karne nahíṉ, balki púrá karne áyá húṉ

ʻIbrá Níoṉ 10;26  Kyúṉki haqq kí pahchán hásil karne ke baʻd agar ham ján bújhkar gunáh kareṉ, to gunáhoṉ kí koí âur qurbání báqí nahíṉ rahí; 27háṉ, ʻadálat ká ek haulnák intizár aur gazabnák átish báqí hai, jo muḳhálifoṉ ko khá legí. 28Jab Músá kí sharíʻat ká na mánnewálá do yá tín shaḳhsoṉ kí gawáhí se, bagair rahm kiye márá játá hai, 29to ḳhayál karo ki wuh shaḳhs kis qadr ziyáda sazá ke láiq ṭhahregá, jis ne Ḳhudá ke Beṭe ko pámál kiyá, aur ʻahd ke ḳhún ko, jis se wuh pák húá thá, nápák jáná, aur fazl kí Rúh ko beʻizzat kiyá. 30Kyúṉki use ham jánte haiṉ, jis ne kahá, ki Intiqám lená merá kám hai, badla maiṉ hí dúṉgá: aur phir yih, ki Ḳhudáwand apní ummat kí ʻadálat karegá. 31Zinda Ḳhudá ke háthoṉ meṉ paṛná haulnák bát hai.