II Samúel 6;13 Aur aisá húá, ki jab ḲHUDÁWAND ke sandúq ke uṭhánewále
chha qadam chale, to Dáúd ne ek bail aur ek moṭá bachhṛá zabh kiyá. 14 Aur Dáúd ḲHUDÁWAND ke huzúr apne sáre zor se náchne lagá,
Galatíoṉ 5;19 Ab jism ke kám to záhir haiṉ, yaʻní harámkárí,
nápákí, shahwatparastí, 20 butparastí, jádúgarí, ʻadáwateṉ, jhagṛá,
hasad, gussa, tafriqe, judáíáṉ, bidʻateṉ, 21 bugz, nashebází, náchrang,
Kulussíoṉ 3; 6 ki unhíṉ ke sabab se Ḳhudá ká gazab
náfarmání ke farzandoṉ par názil hotá hai;
Romíoṉ 8;7 is liye ki jismání
níyat Ḳhudá kí dushmaní hai; kyúṉki na to Ḳhudá kí sharíʻat ke tábiʻ hai, na ho
saktí hai:
Yúhanná kí Injíl 4;24 Ḳhudá rúh hai,
Zakariyáh 4;6 ḲHUDÁWAND ká kalám hai,
ki Na to zor se, aur na tawánáí se, balki merí rúh se,
Yúhanná kí Injíl 1;17 Is liye ki sharíʻat
to Músá kí maʻrifat dí gayí; magar fazl aur sachcháí Yisúʻ Masíh kí maʻrífat
pahuṉchi.
Galatíoṉ 3;13 Masíh jo hamáre liye
laʻnatí baná, us ne hameṉ mol lekar sharíʻat kí laʻnat se chhuṛáyá: kyúṉki
likhá hai, ki Jo koí lakṛí par laṭkáyá gayá, wuh laʻnatí hai:
Galatíoṉ 3;10 Kyúṉkí jitne sharíʻat ke aʻmál par takya karte haiṉ, wuh sab laʻnat ke mátaht haiṉ:
Lúqá kí Injíl 22;20 Aur isí tarah kháne
ke baʻd piyála yih kahkar diyá, ki Yih piyála mere us ḳhún meṉ nayá ʻahd hai,
jo tumháre wáste baháyá játá hai.
GALATÍOṈ 5
1 Masíh ne hameṉ ázád
rahne ke liye ázád kiyá hai. Pas qáim raho, aur dobára gulámí ke júe meṉ na
juto.
II Kurinthíoṉ 5;17 Is liye agar koí Masíh meṉ hai, to wuh nayá maḳhlúq hai:
purání chízeṉ játí rahíṉ; dekho, wuh nayí ho gayíṉ.
Yúhanná kí Injíl 10;8 Jitne
mujh se pahle áe, sab chor aur ḍákú haiṉ;
Galatíoṉ 3;2 Maiṉ tum se sirf yih daryáft karná
cháhtá húṉ, ki tum ne sharíʻat ke aʻmál se Rúh ko páyá, yá ímán ke paigám
se? 3Kyá tum aise nádán
ho, ki Rúh ke taur par shurúʻ karke, ab jism ke taur par kám púrá karná cháhte
ho? 4Kyá tum ne itní
taklífeṉ befáida uṭháíṉ? magar sháyad befáida nahíṉ. 5Pas jo tumheṉ Rúh baḳhshtá, aur tum meṉ
muʻjize záhir kartá hai, kyá wuh sharíʻat ke aʻmál se aisá kartá hai, yá ímán
ke paigám se? 6Chunáṉchi Ibráhím Ḳhudá
par ímán láyá, aur yih us ke liye rástbází giná gayá. 7Pas ján lo, ki jo ímánwále haiṉ, wuhí
Ibráhím ke farzand haiṉ. 8Aur kitáb i muqaddas ne peshtár se yih
jánkar, kí Ḳhudá gairqaumoṉ ko ímán se rástbáz ṭhahráegá, pahle hí se Ibráhím
ko yih ḳhushḳhabarí suná dí, ki Tere báʻis sárí qaumeṉ barakat páeṉgí. 9Pas jo ímánwále haiṉ, wuh ímándár
Ibráhím ke sáth barakat páte haiṉ.
ʻIbrá
Níoṉ 11; 6 aur bagair ímán ke us ko pasand áná
námumkin hai: is liye ki Ḳhudá ke pás ánewále ko ímán láná cháhiye, ki wuh
maujúd hai,
Romíoṉ
8;8 aur jo jismání haiṉ,
wuh Ḳhudá ko ḳhush nahíṉ kar sakte. 9Lekin tum jismání nahíṉ, balki rúhání
ho, basharte ki Ḳhudá kí Rúh tum meṉ basí húí hai. Magar jis meṉ Masíh kí Rúh
nahíṉ, wuh us ká nahíṉ. 10Aur agar Masíh tum meṉ hai, to badan to
gunáh ke sabab se murda hai; magar rúh rástbází ke sabab se zinda hai.
Romíoṉ
8;12 Pas, ai bháiyo, ham
qarzdár to haiṉ, magar jism ke nahíṉ, ki jism ke mutábiq zindagí guzáreṉ. 13Kyúṉki agar tum jism ke mutábiq zindagí
guzároge, to zarúr maroge. Aur agar rúh se badan ke kámoṉ ko nest o nábúd
karoge, to jíte rahoge. 14 Is liye ki jitne Ḳhudá kí Rúh kí
hidáyat se chalte haiṉ, wuhí Ḳhudá ke beṭe haiṉ.
I
Kurinthíoṉ 8;9 Lekin hoshyár raho,
aisá na ho ki tumhárí yih ázádí kamzoroṉ kí ṭhokar ká báʻis ho jáe
Romíoṉ
14;13 balki tum yihí ṭhán
lo, ki koí apne bháí ke sámne wuh chíz na rakkhe, jo us ke ṭhokar kháne yá
girne ká báʻis ho
Galatíoṉ 5;22 Magar Rúh ká phal mahabbat, ḳhushí,
itmínán, tahammul, mihrbá-ní, nekí, ímándárí, 23hilm, parhezgárí hai:
24 Aur jo Masíh Yisúʻ ke haiṉ, unhoṉ ne jism ko us kí
ragbatoṉ aur ḳhwáhishoṉ samet salíb par kheṉch diyá hai.
25 Agar ham Rúh ke sabab se zinda haiṉ, to Rúh ke muwáfiq
chalná bhí cháhiye. 26Ham bejá faḳhr karke, na ek dúsre ko chiṛáen, na ek
dúsre se jaleṉ.
Comments
Post a Comment