khuruj 22;1 Agar koí ádmí bail yá bheṛ churá le, aur use zabh kar de, yá bech ḍále, to wuh ek bail ke badle páṉch bail, aur ek bheṛ ke badle chár bheṛeṉ bhare. 2Agar chor seṉdh márte húe pakṛá jáe, aur us par aisí már paṛe ki wuh mar jáe, to us ke ḳhún ká koí jurm nahíṉ.
Ahbár 6;4 so agar us se ḳhatá húí hai, aur wuh mujrim ṭhahrá hai, to jo chíz us ne lúṭí, yá jo chíz us ne zulm karke chhíní, yá jo chíz us ke pás amánat thí, yá jo khoí húí chíz use milí, 5yá jis chíz ke báre meṉ us ne jhúṭhí qasam kháí, us chíz ko wuh zarúr púrá púrá wápas kare, aur asl ke sáth páṉchwáṉ hissa bhí baṛhákar de. Jis din yih ma‘lúm ho ki wuh mujrim hai, usí din wuh use us ke málik ko wápas de; 6aur apne jurm kí qurbání ḲHUDÁWAND ke huzúr chaṛháe, aur jitná dám tú muqarrar kare, utne dám ká ek be‘aib meṉḍhá rewaṛ meṉ se jurm kí qurbání ke taur par káhin ke pás láe. 7Yúṉ káhin us ke liye ḲHUDÁWAND ke huzúr kaffára de, to jis kám ko karke wuh mujrim ṭhahrá hai, us kí use mu‘áfí milegí.
Yúhanná kí Injíl 19;1Is par Pílátus ne Yisúʻ ko lekar koṛe lagwáe. 2Aur sipáhíoṉ ne káṉṭoṉ ká táj banákar us ke sir par rakkhá, aur use argawání poshák pahináí; 3aur us ke pás á ákar kahne lage; Ai Yahúdíoṉ ke bádsháh, ádáb! Aur us ke tamáṉche bhí máre. 4Pílátus ne phir báhar jáke logoṉ se kahá, ki Dekho, maiṉ use tumháre pás báhar le átá húṉ, táki tum jáno, ki maiṉ us ká kuchh jurm nahíṉ pátá. 5Yisúʻ káṉṭoṉ ká táj rakkhe, aur argawání poshák pahine báhar áyá, aur Pílátus ne un se kahá; Dekho yíh ádmí! 6Jab sardár káhin aur piyádoṉ ne use dekhá, to chilláke kahá, ki Salíb de! Salíb! Pílátus ne un se kahá, ki Tum hí ise le jáo aur salíb do, kyúṉki maiṉ is ká kuchh jurm nahíṉ pátá. 7Yahúdíoṉ ne use jawáb diyá, ki Ham ahl i sharíʻat haiṉ, aur sharíʻat ke muwáfiq wuh qatl ke láíq hai, kyúṉkí us ne apne áp ko Ḳhudá ká Beṭá banáyá. 8Jab Pílátus ne yíh bát suní, to âur bhí ḍará, 9aur phir qilʻe meṉ jákar Yisúʻ se kahá; Tú kaháṉ ká hai? Magar Yísúʻ ne use jawáb na diyá. 10Pas Pílátus ne us se kahá; Tú mujh se boltá nahíṉ? Kyá tú nahíṉ jántá, ki mujhe tere chhoṛ dene ká bhí iḳhtiyár hai, aur salíb dene ká bhí iḳhtiyár hai? 11Yisúʻ ne use jawáb diyá, ki Agar tujhe úpar se na diyá jatá, to terá mujh par kuchh iḳhtiyár na hotá; is sabab se jis ne mujhe tere hawále kiyá, us ká gunáh ziyáda hai
Ahbár 27;27Par agar wuh kisí nápák jánwar ká pahlauṭhá ho, to wuh shaḳhs terí ṭhahráí húí qímat ká páṉchwáṉ hissa qímat meṉ âur milákar us ká fidya de, aur use chhuṛáe;
;ʻIbrá Níoṉ 13;11Kyúṉki jin jánwaroṉ ká ḳhún sardár káhin pák makán meṉ gunáh ke kaffáre ke wáste le játá hai, un ke jism ḳhaimagáh ke báhar jaláe játe haiṉ. 12Isí liye Yisúʻ ne bhí, ummat ko ḳhud apne ḳhún se pák karne ke liye, darwáze ke báhar dukh uṭháyá. 13Pas áo, us kí zillat ko apne úpar liye húe ḳhaimagáh se báhar us ke pás chaleṉ
ʻIbrá Níoṉ 9;14to Masíh ká ḳhún jís ne apne áp ko azalí Rúh ke wasíle Ḳhudá ke sámne beʻaib qurbán kar diyá, tumháre diloṉ ko murda kámoṉ se kyúṉ na pák karegá, táki zinda Ḳhudá kí ʻibádat kareṉ
I Yúhanná 1;7 aur us ke Beṭe Yisúʻ ká ḳhún hameṉ tamám gunáh se pák kartá haí. 8Agar ham kaheṉ, ki ham begunáh haiṉ, to apne áp ko fareb dete haiṉ, aur ham meṉ sach-cháí nahíṉ.
I Patras 2;24 wuh áp hamáre gunáhoṉ ko apne badan par liye húe salíb par chaṛh gayá, táki ham gunáhoṉ ke iʻtibár se markar rástbází ke iʻtibár se jíeṉ;
14Romíoṉ 6;14 Is liye ki gunáh ká tum par iḳhtiyár na hogá, kyúṉki tum sharíʻat ke mátaht nahíṉ, balki fazl ke mátaht ho.
1 Corinthians 6:11 magar tum Ḳhudáwand Yisúʻ Masíh ke nám se, aur hamáre Ḳhudá kí Rúh se dhul gaye, aur pák húe, aur rástbáz bhí ṭhahre.
Yúhanná kí Injíl 1;16Kyúṉki us kí maʻmúrí meṉ se ham sab ne páyá, yaʻní fazl par fazl. 17Is liye ki sharíʻat to Músá kí maʻrifat dí gayí; magar fazl aur sachcháí Yisúʻ Masíh kí maʻrífat pahuṉchi.
IFISÍOṈ 5;15 PAS GAUR SE DEKHO, KI KIS TARAH CHALTE HO; NÁDÁNOṈ KÍ TARAH NAHÍṈ, BALKI DÁNÁOṈ KÍ MÁNIND CHALO
IFISÍOṈ 4;1 jis buláwe se tum buláe gaye the, us ke munásib chalo;
- Zabúr 69;4 Mujh se besabab ‘adáwat rakhnewále mere sir ke báloṉ se ziyáda haiṉ:
- Merí halákat ke ḳhwáháṉ aur náhaqq dushman zabardast haiṉ;
- Pas jo maiṉ ne chhíná nahíṉ mujhe dená paṛá.
- Yúhanná kí Injíl 15;25-Lekin yih is liye húá ki wuh qaul púrá ho, jo un kí sharíʻat meṉ likhá hai, ki Unhoṉ ne mujh se muft ʻadáwat kí.
- Yúhanná kí Injíl 15;19- chúṉki tum dunyá ke nahíṉ, balki maiṉ ne tum ko dunyá meṉ se chun liyá hai, is wáste dunyá tum se ʻadáwat rakhtí hai.
- Marqus kí Injíl 15;27 Wuh badkároṉ meṉ giná gayá, púrá húá.
Comments
Post a Comment