𝗞𝗬𝗔 𝗦𝗨𝗡𝗧𝗘 𝗛𝗢 𝗞𝗜𝗦 𝗧𝗔𝗥𝗔𝗛 𝗦𝗨𝗡𝗧𝗘 𝗛𝗢 | 𝗥𝗢𝗠𝗔𝗡 𝗨𝗥𝗗𝗨 𝗕𝗜𝗕𝗟𝗘

 Romíoṉ 10:7 Pas ímán sunne se paidá hotá hai, aur sunná Masíh ke kalám se,

LUQA 8;18 Pas ḳhabardár raho, ki tum kis tarah sunte ho:

Amsál 18;15 Hoshyár ká dil ‘ilm hásil kartá hai,

Aur dáná ke kán ‘ilm ke tálib haiṉ.

Marqus kí Injíl 4;24 Phir us ne un se kahá; Ḳhabardár raho, ki kyá sunte ho;

Yasa‘iyáh 55;3 Kán lagáo, aur mere pás áo; suno, aur tumhárí ján zinda rahegí;

Yúhanná kí Injíl 14;26 Lekin Madadgár, yaʻní R

úhuʼl Quds, jise Báp mere nám se bhejegá, wuhí tumheṉ sab báteṉ sikháegá, aur jo kuchh maiṉ ne tum se kahá hai, wuh sab tumheṉ yád diláegá.

Matí kí Injíl 13;23 jo kalám ko suntá aur samajhtá hai, aur phal bhí látá hai; koí sau guná phaltá hai, koí sáṭh guná, koí tís guná.

Yaʻqúb 1:22 Lekin kalám par ʻamal karnewále bano, na mahz sunnewále jo apne áp ko dhoká dete haiṉ.

Matí kí Injíl 7;24 Pas jo koí merí yih báteṉ suntá, aur un par ʻamal kartá hai, wuh us ʻaqlmand ádmí ki mánind thahregá, jis ne chaṭán par apná ghar banáyá;

Amsál 16:20 Jo kalám par tawajjuh kartá hai bhaláí dekhegá:Aur jis ká tawakkul ḲHUDÁWAND par hai mubárak hai.

I Yúhanná 1;1 Us zindagí ke Kalám kí bábat jo ibtidá se thá, aur jise ham ne suná, aur apní áṉkhoṉ se dekhá, balki gaur se dekhá, aur apne háthoṉ se chhúá; 2 (yih zindagí záhir húí, aur ham ne use dekhá, aur us kí gawáhí dete haiṉ, aur isí hamesha kí zindagí kí tumheṉ ḳhabar dete haiṉ jo Báp ke sáth thí, aur ham par záhir húí); 3 jo kuchh ham ne dekhá aur suná hai, tumheṉ bhí us kí ḳhabar dete haiṉ, táki tum bhí hamáre sharík ho: aur hámárí shirákat Báp ke sáth, aur us ke Beṭe Yísúʻ Masíh ke sáth hai. 4 Aur yih báteṉ ham is liye likhte haiṉ ki hamárí ḳhushí púrí ho jáe.

Galatíoṉ 1:11 Ai bháiyo, maiṉ tumheṉ jatáe detá húṉ, ki jo ḳhushḳhabarí maiṉ ne sunáí, wuh insán kí sí nahíṉ. 12Kyúṉki wuh mujhe insán kí taraf se nahíṉ pahuṉchí, aur na mujhe sikháí gayí, balki Yisúʻ Masíh kí taraf se mujhe us ká mukáshafa húá

Mukáshafa 2;29 Jis ke kán hoṉ, wuh sune, ki Rúh kalísiyáoṉ se kyá kahtí hai.