Amsál 16;4 ḲHUDÁWAND ne har ek chíz ḳháss maqsad ke liye banáí;
Romíoṉ 10; 15 Aur jab tak wuh bheje na jáeṉ, manádí kyúṉkar kareṉ? Chunáṉchi likhá hai, ki Kyá hí ḳhushnumá haiṉ un ke qadam, jo achchhí chízoṉ kí ḳhushḳhabarí dete haiṉ!
Zabúr 96;4 Kyúṉki ḲHUDÁWAND buzurg aur niháyat sitáish ke láiq hai
Lúqá kí Injíl 1 ;28 Aur firishte ne us ke pás andar áke kahá; Salám tujh ko, jis par fazl húá hai! Ḳhudáwand tere sáth hai. 31 aur dekh, tú hámila hogí aur beṭá janegí; us ká nám Yisúʻ rakhná. 32 Wuh buzurg hogá;
Lúqá kí Injíl 2;42 Aur jab wuh bárah baras ká húá, to wuh ʻIʹd ke dastúr ke muwáfiq Yarúshalem ko gaye. 43Jab wuh un dinoṉ ko púrá karke lauṭe, to wuh laṛká Yisúʻ Yarúshalem meṉ rah gayá,
46 Aur tín roz píchhe aisá húá ki unhoṉ ne use haikal meṉ ustádoṉ ke bích meṉ baiṭhe, un kí sunte aur un se suwál karte húe páyá. 47Aur jitne us ki sun rahe the, us ki samajh aur us ke jawáboṉ se dang the.
40 Aur wuh laṛká baṛhtá aur quwwat pátá gayá, aur hikmat se maʻmúr hotá gayá, aur Ḳhudá ká fazl us par thá.
Lúqá kí Injíl 3;23 Jab Yisúʻ ḳhud taʻlím dene lagá, to baras tís ek ká thá,
I Kurinthíoṉ 12;3 Pas maiṉ tumheṉ jatátá húṉ, ki jo koí Ḳhudá kí Rúh kí hidáyat se boltá hai, wuh nahíṉ kahtá, ki Yisúʻ malʻún hai; aur na koí Rúhuʼl Quds ke bagair kah saktá hai, ki Yisúʻ Ḳhudáwand hai.
Aʻmál 2 ;17Ḳhudá farmátá hai, ki aḳhirí dinoṉ meṉ aisá hogá,
Ki maiṉ apní Rúh meṉ se har bashar par ḍálúṉgá;
Aur tumháre beṭe aur tumhárí beṭiyáṉ nubuwwat kareṉgí;
Aur tumháre jawán royá,
Aur tumháre buḍḍhe ḳhwáb dekheṉge:
2 Kurinthíoṉ 5;7 Is liye agar koí Masíh meṉ hai, to wuh nayá maḳhlúq hai: purání chízeṉ játí rahíṉ; dekho, wuh nayí ho gayíṉ.
IFISÍOṈ 5;1
Pas ʻazíz farzandoṉ kí tarah Ḳhudá kí mánind bano;
Filippíoṉ 2;5 Waisá hí mizáj rakkho, jaisá Masíh Yisúʻ ká bhí thá
II Kurinthíoṉ 4 ;18 jis hál meṉ ki ham dekhí húí chízoṉ par nahíṉ, balki andekhí chízoṉ par nazar karte haiṉ: kyúṉki dekhí húí chízeṉ chandroza haiṉ; magar andekhí chízeṉ abadí haiṉ.
ROMION 10;17
Pas ímán sunne se paidá hotá hai,aur sunná Masíh ke kalám se.
Romeoṉ 4;16
Isí wáste wuh mírás ímán se miltí hai, táki fazl ke taur par ho, 
Comments
Post a Comment