Olive Oil And Wine

*1

Lúqá kí Injíl 12;35- Tumhárí kamareṉ bandhí raheṉ, aur tumháre chirág jalte raheṉ; 

*2 

 I Thissaluníkíoṉ 5;19 -Rúh ko na bujháo;

 *3   Mukáshafa 6;6 -  aur tel aur mai ká nuqsán na kar.
*4  

YASA‘IYÁH 61;1Ḳhudáwand ḲHUDÁ kí rúh mujh par hai; kyúṉki us ne mujhe masah kiyá, táki ḳhushḳhabarí sunáúṉ;

YASA‘IYÁH 61; 3 Siyyún ke g̣amzadoṉ ke liye yih muqarrar kar dúṉ, ki un ko rákh ke badle sihrá, aur mátam kí jagah ḳhushí ká raug̣an, aur udásí ke badle sitáish ká ḳhil‘at baḳhshúṉ;

"Amsál 17;22Shádmán dil shifá baḳhshtá hai:Lekin afsurdadilí haḍḍiyoṉ ko ḳhushk kar detí hai."

Zabúr 45;7 Tú ne sadáqat se mahabbat rakkhí aur badkárí se nafrat:
Isí liye Ḳhudá, tere Ḳhudá ne shádmání ke tel se
Tujh ko tere hamsaroṉ se ziyáda masah kiyá hai.

Lúqá kí Injíl 10;34 aur us ke pás áyá, aur us ke zaḳhmoṉ ko tel aur mai lagákar báṉdhá, 

 Zabúr 23;5 tune mere sir par tel malá hai, merá piyála labrez hotá hai.

Amsál 21;20Qímatí ḳhazána aur tel dánáoṉ ke ghar meṉ haiṉ,

Lekin ahmaq un ko uṛá detá hai.

*4  MATÍ KÍ INJÍL 25

"1 Us waqt ásmán kíi bádsháhat un das kuṉwáriyoṉ kí mánind hogí, jo apní apní mashʻaleṉ lekar dulhá ke istiqbál ko niklíṉ. 2Un meṉ páṉch bewuqúf, aur páṉch ʻaqlmand thíṉ. 3 Jo bewuqúf thíṉ, unhoṉ ne apní mashʻaleṉ to le líṉ, magar tel apne sáth na liyá. 4Magar ʻaqlmandoṉ ne apní mashʻaloṉ ke sáth apní kuppiyoṉ meṉ tel bhí le liyá. 5 Aur jab dulhá ne der lagáí, to sab úṉghne lagíṉ aur so gayíṉ. 6 Ádhí rát ko dhúm machí, ki Dekho, dulhá á gayá! Us ke istiqbál ko niklo. 7Us waqt wuh sab kuṉwáriyáṉ uṭhkar apní apní mashʻaleṉ durust karne lagíṉ. 8 Aur bewuqúfoṉ ne ʻaqlmandoṉ se kahá, ki Apne tel meṉ se kuchh hameṉ bhí de do; kyúṉki hamárí mashʻaleṉ bujhí játí haiṉ. 9ʻAqlmandoṉ ne jawáb meṉ kahá, ki Sháyad hamáre tumháre donoṉ ke liye púrá na ho; bihtar yih hai, ki bechnewáloṉ ke pás jákar apne wáste mol le lo. 10 Jab wuh mol lene já rahí thíṉ, to dulhá á pahuṉchá; aur jo taiyár thíṉ, wuh us ke sáth sháḍí meṉ chalí gayíṉ, aur darwáza band kiyá gayá. 11 Píchhe wuh báqí kuṉwáriyáṉ bhí áíṉ aur kahne lagíṉ; Ai Ḳhudáwand, ai Ḳhudáwand, hamáre liye darwáza khol de. 12 Us ne jawáb meṉ kahá; Maiṉ tum se sach kahtá húṉ, ki maiṉ tumheṉ nahíṉ jántá. 

 Zabúr 104;15 Aur mai jo insán ke dil ko ḳhush kartí hai,Aur raug̣an (OIL tAIL) jo us ke chihre ko chamkátá hai,Aur roṭí jo ádmí ke dil ko tawánáí baḳhshtí hai.