Paidáish 14;18 Aur Malik i Sidq,
Sálim ká bádsháh, roṭí aur mai láyá; aur wuh Ḳhudá Ta‘álá ká káhin thá; 19aur us ne us ko
barakat dekar kahá, ki Ḳhudá Ta‘álá kí taraf se, jo ásmán aur zamín ká málik
hai, Abrám mubárak ho; 20aur mubárak hai Ḳhudá
Ta‘álá, jis ne tere dushmanoṉ ko tere háth meṉ kar diyá. Tab Abrám ne sab ká
daswáṉ hissa us ko diyá
Aur
yih Malik i Sidq Shálem ká bádsháh, Ḳhudá
Taʻálá ká káhin, hameshá káhin rahtá hai: jab Ibráhím bádsháhoṉ
ko qatl karke wápas átá thá, to isí ne us ká istiqbál kiyá, aur us ke liye
barakat cháhí;
is liye ki jis waqt Malik i Sidq ne
Ibráhím ká istiqbál kiyá thá, wuh us waqt tak apne báp kí sulb meṉ thá.
isí ko Ibráhím ne sab chízoṉ kí dahyakí dí; yih awwal to
apne nám ke maʻní ke muwáfiq Rástbází ká Bádsháh hai; aur phir Shálem,
yaʻní Sulh, ká bádsháh:
jaháṉ Yisúʻ hamesha ke liye Malik i Sidq ke
taríqe ká sardár káhin bankar, hamárí ḳhátir peshrau ke taur par dáḳhil húá
hai.
Kyúṉki us ke haqq meṉ yih gawáhí dí gayí hai, ki Tú Malik i Sidq ke
taríqe ká Abad tak káhin hai.
chunáṉchi wuh dúsre maqám par bhí kahtá hai, ki Tú Malik i Sidq ke
taríqe ká Abad tak káhin hai.
aur use Ḳhudá kí taraf se Malik i Sidq ke
taríqe ke sardár káhin ká ḳhitáb milá.
Aur Malik i Sidq,
Sálim ká bádsháh, roṭí aur mai láyá; aur wuh Ḳhudá Ta‘álá ká káhin thá;
Yúhanná kí Injíl 6 ;32 Yisúʻ ne un se kahá; Maiṉ tum se sach
sach kahtá húṉ, ki Músá ne to wuh roṭí ásmán se tumheṉ na dí, lekin merá Báp tumheṉ
ásmán se haqíqí roṭí detá hai.
33 Kyúṉki Ḳhudá kí roṭí wuh hai, jo ásmán
se utarker dunyá ko zindagí baḳhshtí hai.
35 Yisúʻ ne un se kahá; Zindagí kí roṭí
maiṉ húṉ: jo mere pás áe, wuh hargiz bhúká na hogá, aur jo mujh par ímán láe, wuh
kabhí piyásá na hogá
38 Kyúṉki maiṉ ásmán se utrá húṉ,
48 Zindagí kí roṭí maiṉ húṉ
50 Yih wuh roṭí hai jo ásmán se utartí
hai, táki ádmí us meṉ se kháe aur na mare.
51 Maiṉ húṉ wuh zindagí kí roṭí jo ásmán
se utrí: agar koí is roṭí meṉ se kháe, to abad tak zinda rahegá; balki jo roṭí
maiṉ jahán kí zindagí ke liye dúṉgá, wuh merá gosht hai.
Yúhanná kí Injíl 2 ;9 Jab mír majlis ne wuh pání chakkhá, jo mai ban gayá thá, aur
na jántá thá, ki yih kaháṉ se áí hai, (magar ḳhádim, jinhoṉ ne pání nikálá thá,
jánte the,) to mír majlis ne dulhá ko bulakar us se kahá; 10Har shaḳhs pahle achchhí mai pesh kartá
hai, aur náqis us waqt jab píkar chhak gaye; magar tú ne achchhí mai ab tak
rakh chhoṛí hai. 11Yih pahlá muʻjiza Yisúʻ ne Qáná e Galíl meṉ dikhákar apná
jalal záhir kiyá, aur us ke shágird us par ímán láe.
Matí kí Injíl 26 ;27 Phir piyála lekar shukr kiyá, aur unheṉ dekar kahá, ki Tum
sab is meṉ se pí lo; 28kyúnki yih ʻahd ká merá wuh ḳhún hai, jo bahuteroṉ ke liye
gunáhoṉ kí muʻáfí ke wáste baháyá játá hai.
Lúqá kí Injíl 22 ;19 Phir us ne roṭí lí, aur shukr karke
toṛí, aur yih kahkar un ko dí, ki Yih merá badan hai, jo tumháre wáste diyá
játá hai:
Aʻmál 2 ;1 Jab ʻIʹd i Pintekust ká din áyá, to wuh sab ek jagah jamaʻ
the; 2ki yakáyak ásmán se
aisí áwáz áí, jaise zor kí áṉdhí ká sannáṭá hotá hai, aur us se sárá ghar jaháṉ
wuh baiṭhe the, gúṉj gayá. 3Aur unheṉ ág ke shuʻle kí sí phaṭtí húí zabáneṉ dikháí díṉ;
aur un meṉ se har ek par á ṭhahríṉ. 4Aur wuh sab Rúhuʼl Quds se bhar gaye, aur gair zabáneṉ bolne
lage, jis tarah Rúh ne unheṉ bolne kí táqat baḳhshí.
Aʻmál 2 ;13 Aur baʻz ne ṭhaṭṭhá karke kahá, ki Yih to táza mai ke nashe
meṉ haiṉ.
Ji taza nashe ke main mein hi they
magar sansarik jo wuh log samjh rahe the,
Ruhani mai ke nashe mein the jiska wada
masih yesu ne kiya tha
Yúhanná kí Injíl 15 ;25 Lekin yih is liye húá ki wuh qaul púrá ho, jo un kí sharíʻat
meṉ likhá hai, ki Unhoṉ ne mujh se muft ʻadáwat kí. 26Lekin jab wuh Madadgár áegá, jis ko
maiṉ tumháre pás Báp kí taraf se bhejúṉgá, yaʻní Sachcháí kí Rúh, jo Báp kí
taraf se nikaltí hai, to wuh merí gawáhí degí:
Comments
Post a Comment