nek o bad kí pahchán ká daraḳht

 

 

·         Zabúr 37:35 (URDR55)

Maiṉ ne sharír ko baṛe iqtidár meṉ aur aisá phailte dekhá, Jaise koí hará daraḳht apní aslí zamín meṉ phailtá hai.

 

·         Zabúr 52:8 (URDR55)

Lekin maiṉ to Ḳhudá ke ghar meṉ zaitún ke hare daraḳht kí mánind húṉ: Merá tawakkul abadu’l ábád Ḳhudá kí shafaqat par hai.

 

·         Dáníel 4:11 (URDR55)

Wuh daraḳht baṛhá aur mazbút húá, aur us kí choṭí ásmán tak pahuṉchí, aur wuh zamín kí intihá tak dikháí dene lagá.

 

 

·         Mukáshafa 2:7 (URDR55)

Jis ke kán hoṉ, wuh sune, ki Rúh kalísiyáoṉ se kyá kahtí hai. Jo gálib áe, maiṉ use us zindagí ke daraḳht meṉ se, jo Ḳhudá ke Firdaus meṉ hai, phal kháne ko dúṉgá.

 

Yúhanná kí Injíl 4;24 Ḳhudá rúh hai,

Paidáish 2;16 Aur ḲHUDÁWAND Ḳhudá ne Ádam ko hukm diyá aur kahá, ki Tú bág̣ ke har daraḳht ká phal be rok ṭok khá saktá hai: 17 lekin nek o bad kí pahchán ke daraḳht ká kabhí na kháná: kyúṉki jis roz tú ne us meṉ se kháyá, tú mará.

·         ʻIbrá Níoṉ 5:14 (URDR55)

Aur saḳht gizá púrí ʻumrwáloṉ ke liye hotí hai, jin ke hawáss kám karte karte nek o bad meṉ imtiyáz karne ke liye tez ho gaye haiṉ.

 

·         Paidáish 2:9 (URDR55)

Aur ḲHUDÁWAND Ḳhudá ne har daraḳht ko, jo dekhne meṉ ḳhushnumá, aur kháne ke liye achchhá thá zamín se ugáyá, aur bág̣ ke bích meṉ hayát ká daraḳht, aur nek o bad kí pahchán ká daraḳht bhí lagáyá.

 

·         Amsál 13:21 (URDR55)

Badí gunahgároṉ ká píchhá kartí hai: Par sádiqoṉ ko nek jazá milegí.

 

Amsál 12;14 Ádmí ke kalám ká phal us ko nekí se ásúda karegá:

 

Amsál 13;2 Ádmí apne kalám ke phal se achchhá kháegá:

 

·         Lúqá kí Injíl 23:50 (URDR55)

Aur dekho, Yúsuf nám ek shaḳhs mushír thá, jo nek aur rástbáz ádmí thá,

 

 

 

Matí kí Injíl 7;16 Un ke phaloṉ se tum unheṉ pahchán loge. Kyá jháṛiyoṉ se angúr, yá úṉṭkaṭároṉ se anjír torte haiṉ? 17Isi tarah har ek achchhá daraḳht achchhá phal látá hai, aur burá daraḳht burá phal látá hai. 18 Achchhá daraḳht burá phal nahíṉ lá saktá, na burá daraḳht achchhá phal lá saktá hai. 19Jo daraḳht achchhá phal nahiṉ látá, wuh káṭá aur ág meṉ ḍálá játá hai. 20 Pas un ke phaloṉ se tum unheṉ pahchán loge. 21 Jo mujh se, Ai Ḳhudáwand, ai Ḳhudáwand, kahte haiṉ, un meṉ se har ek ásmán kí bádsháhat meṉ dáḳhil na hogá, magar wuhí jo mere ásmání Báp kí marzí par chaltá hai.

 

·         Amsál 12:2 (URDR55)

Nek ádmí ḲHUDÁWAND ká maqbúl hogá: Lekin bure mansúbe báṉdhnewále ko wuh mujrim ṭhahráegá.

 

Romíoṉ 7:18 (URDR55)

Kyúṉki maiṉ jántá húṉ ki mujh meṉ, yaʻní mere jism meṉ, koí nekí basí húí nahíṉ:

 

 

·         Amsál 20:11 (URDR55)

Bachcha bhí apní harakát se pahcháná játá hai, Ki us ke kám nek o rást haiṉ ki nahíṉ.

 

·         Filemon 1:14 (URDR55)

Lekin terí marzí ke bagair maiṉ ne kuchh karná na cháhá, táki terá nek kám láchárí se nahíṉ, balki ḳhushí se ho.

 

 

 

Matí kí Injíl 23;20 Un par afsos jo badí ko nekí, aur nekí ko badí kahte haiṉ;

 

·         Titus 1:16 (URDR55)

Wuh Ḳhudá kí pahchán ká daʻwá to karte haiṉ, magar apne kámoṉ se us ká inkár karte haiṉ, kyúṉki wuh makrúh aur náfarmán haiṉ, aur kisí nek kám ke qábil nahíṉ.

 

I Yúhanná 4;1 Ai ʻazízo, har ek rúh ká yaqín na karo, balki rúhoṉ ko ázmáo, ki wuh Ḳhudá kí taraf se haiṉ yá nahíṉ

·         Yaʻqúb 3:13 (URDR55)

Tum meṉ dáná aur samajhdár kaun hai? jo aisá ho, wuh apne kámoṉ ko nek chál chalan ke wasíle se us hilm ke sáth záhir kare jo hikmat se paidá hotá hai.

 

 

 

·         Zabúr 25:8 (URDR55)

ḲHUDÁWAND nek aur rást hai: Is liye wuh gunahgároṉ ko ráh i haqq kí ta‘lím degá.

 

·         Amsál 11:14 (URDR55)

Nek saláh ke bag̣air log tabáh hote haiṉ: Lekin saláhkároṉ kí kasrat meṉ salámatí hai.

 

·         Lúqá kí Injíl 18:18 (URDR55)

Phir kisí sardár ne us se yih suwál kiyá, ki Ai nek ustád, maiṉ kyá karúṉ, táki hamesha kí zindagí ká wáris banúṉ?

 

·         Lúqá kí Injíl 18:19 (URDR55)

Yisúʻ ne us se kahá, Tú mujhe kyúṉ nek kahtá hai? koí nek nahíṉ, magar ek, yaʻní Ḳhudá.

·         Filippíoṉ 2:13 (URDR55)

kyúṉki jo tum meṉ níyat aur ʻamal donoṉ ko, apne nek iráde ko anjám dene ke liye, paidá kartá hai, wuh Ḳhudá hai.

 

·         Filippíoṉ 1:6 (URDR55)

aur mujhe is bát ká bharosá hai, ki jis ne tum meṉ nek kám shurúʻ kiyá hai, wuh use Yisúʻ Masíh ke din tak púrá kar degá;

 

·         Matí kí Injíl 5:16 (URDR55)

Isí tarah tumhárí raushní ádmíoṉ ke sámne chamke, táki wuh tumháre nek kámoṉ ko dekhkar tumháre Báp kí, jo ásmán par hai, baṛáí kareṉ.

 

 

·         Yaʻqúb 3:12 (URDR55)

Ai mere bháiyo, kyá anjír ke daraḳht meṉ zaitún, aur angúr meṉ anjír paidá ho sakte haiṉ? Isí tarah khárí chashme se míṭhá pání nahíṉ nikal saktá.

 

·         Paidáish 18:23 (URDR55)

Tab Abrahám ne nazdík jákar kahá, Kyá tú nek ko bad ke sáth halák karegá?

 

 

 

·         Lúqá kí Injíl 6:43 (URDR55)

Kyúṉki koí achchhá daraḳht nahíṉ, jo burá phal láe, aur na koí burá daraḳht hai, jo achchhá phal láe.

 

·         Matí kí Injíl 3:10 (URDR55)

Aur ab daraḳhtoṉ kí jaṛ par kulháṛá rakkhá húá hai; pas jo darakht achchhá phal nahíṉ látá, wuh káṭá aur ág meṉ ḍálá játá hai.

 

·         Marqus kí Injíl 8:24 (URDR55)

Us ne nazar uṭhákar kahá; Maiṉ ádmíoṉ ko dekhtá húṉ; kyúṉki wuh mujhe chalte húe aise dikháí dete haiṉ, jaise daraḳht.

 

·         Yúhanná kí Injíl 15:4 (URDR55)

Tum mujh meṉ qáim raho, aur maiṉ tum meṉ. Jis tarah ḍálí, agar angúr ke daraḳht meṉ qáim na rahe, to apne áp se phal nahíṉ lá saktí; isí tarah tum bhí agar mujh meṉ qáim na raho, to phal nahíṉ lá sakte.

 

·         II Thissaluníkíoṉ 2:17 (URDR55)

tumháre diloṉ ko tasallí de, aur har ek nek kám aur kalám meṉ mazbút kare.

·         II Thissaluníkíoṉ 3:13 (URDR55)

Aur tum, ai bháiyo, nek kám karne meṉ himmat na háro.

 

·         I Tímuthiyus 2:10 (URDR55)

balki nek kámoṉ se, jaisá ḳhudáparastí ká iqrár karnewálí ʻauratoṉ ko munásib hai.

 

·         ʻIbrá Níoṉ 10:24 (URDR55)

aur mahabbat aur nek kámoṉ kí targíb dene ke liye ek dúsre ká liház rakkheṉ;

 

·         Paidáish 18:25 (URDR55)

Aisá karná tujh se ba‘íd hai, ki nek ko bad ke sáth már ḍále, aur nek bad ke barábar ho jáe; yih tujh se ba‘íd hai. Kyá tamám dunyá ká insáf karnewálá insáf na karegá?

I Tímuthiyus 5:10 (URDR55)

aur nek kámoṉ meṉ mashhúr ho; bachchoṉ kí tarbiyat kí ho; pardesiyoṉ ke sáth mihmánnawází kí ho; muqaddasoṉ ke páṉw dhoe hoṉ; musíbatzadoṉ kí madad kí ho; aur har nek kám karne kí darpai rahí ho

·         I Patras 2:12 (URDR55)

aur gairqáúmoṉ meṉ apná chál chalan nek rakkho; táki jín bátoṉ meṉ wuh tumheṉ badkár jánkar tumhárí badgoí karte haiṉ, tumháre nek kámoṉ ko dekhke, unhí ke sabab muláhize ke din Ḳhudá kí baṛái kareṉ.

 

·         I Patras 3:16 (URDR55)

aur níyat bhí nek rakkho, táki jin bátoṉ meṉ tumhárí badgoí hotí hai, un hí meṉ wuh log sharminda hoṉ, jo tumháre Masíhí nek chál chalan par laʻn taʻn karte haiṉ.

 

 

·         Yarmiyáh 29:11 (URDR55)

Kyúṉki maiṉ tumháre haqq meṉ apne ḳhayálát ko jántá húṉ, ḲHUDÁWAND farmátá hai, ya‘ní salámatí ke ḳhayálát, buráí ke nahíṉ, táki maiṉ tum ko nek anjám kí ummed baḳhshúṉ.

 

·         Amsál 12:4 (URDR55)

Nek ‘aurat apne shauhar ke liye táj hai: Lekin nadámat lánewálí us kí haḍḍiyoṉ meṉ bosídagí kí mánind hai.

 

·         Amsál 13:22 (URDR55)

Nek ádmí apne potoṉ ke liye mírás chhoṛtá hai: Par gunahgár kí daulat sádiqoṉ ke liye faráham kí játí hai.

 

 

 

·         I Tímuthiyus 1:5 (URDR55)

Hukm ká maqsad yih hai, ki pák dil aur nek níyat aur beriyá ímán se mahabbat paidá ho.

 

·         Lúqá kí Injíl 8:15 (URDR55)

Magar achchhí zamín ke wuh haiṉ, jo kalám ko sunkar ʻumda aur nek dil meṉ sambhále rahte, aur sabr se phal láte haiṉ.

 

·         Titus 2:7 (URDR55)

Sárí bátoṉ meṉ apne áp ko nek kámoṉ ká namúna baná. Terí taʻlím meṉ safáí, aur sanjídagí,

·         Romíoṉ 12:2 (URDR55)

Aur is jahán ke hamshakl na bano, balki ʻaql nayí ho jáne se apní súrat badalte jáo; táki Ḳhudá kí nek aur pasandída aur kámi! marzí tajribe se maʻlúm karte raho.

·         Ifisíoṉ 2:10 (URDR55)

Kyúṉ-ki ham usí kí karígarí haiṉ, aur Masíh Yisúʻ meṉ un nek ʻamál ke wáste maḳhlúq húe, jin ko Ḳhudá ne pahle se hamáre karne ke liye taiyár kiyá thá.

 

·         Ifisíoṉ 1:5 (URDR55)

aur us ne apní marzí ke nek iráde ke muwáfiq hameṉ apne liye peshtar se muqarrar kiyá, ki Yisúʻ Masíh ke wasíle us ke lepálak beṭe hoṉ,

 

·         Ifisíoṉ 1:9 (URDR55)

chunáṉchi us ne apní marzí ke bhed ko apne us nek iráde ke muwáfiq ham par záhir kiyá, jise apne áp meṉ ṭhahrá liyá thá:

 

·         II Kurinthíoṉ 9:8 (URDR55)

Aur Ḳhudá tum par har tarah ká fazl kasrat se kar saktá hai, táki tum ko hamesha har chíz káfí taur par milá kare, aur har nek kám ke liye tumháre pás bahut kuchh maujúd rahá kare:

 

·         Kulussíoṉ 1:10 (URDR55)

táki tumhárá chál chalan Ḳhudáwand ke láiq ho, aur us ko har tarah se pasand áe, aur tum meṉ har tarah ke nek kám ká phal lage, aur Ḳhudá kí pahchán meṉ baṛhte jáo;

·         II Tímuthiyus 2:21 (URDR55)

Pas jo koí in se ʻaláhida hokar apne taíṉ pák karegá, wuh ʻizzat ká bartan, aur muqaddas banegá, aur Málik ke kám ke láiq, aur har nek kám ke liye taiyár hogá.

·         Titus 2:14 (URDR55)

jis ne apne áp ko hamáre wáste de diyá, táki fidya hokar hameṉ har tarah kí bedíní se chhuṛá le, aur pák karke apní ḳháss milkíyat ke liye ek aisí ummat banáe, jo nek kámoṉ meṉ sargarm ho.

·         ʻIbrá Níoṉ 13:21 (URDR55)

tum ko har nek bát meṉ kámil kare, táki tum us kí marzí púrí karo, aur jo kuchh us ke nazdík pasandída hai Yisúʻ Masíh ke wasíle se ham meṉ paidá kare; jis kí tamjíd abaduʼl ábád hotí rahe. Ámín.