nek o bad kí pahchán hum men se kisi ek ki mannind

 

 

Paidáish 2 ;7 Aur ḲHUDÁWAND Ḳhudá ne zamín kí miṭṭí se insán ko banáyá, 

·         Zabúr 58:3 (URDR55)

Sharír paidáish hí se kajrawí iḳhtiyár karte haiṉ; Wuh paidá hote hí jhúṭh bolkar gumráh ho játe haiṉ.

 

·         Amsál 14:22 (URDR55)

Kyá badí ke mújid gumráh nahíṉ hote? Aur shafaqat aur sachcháí nekí ke mújid ke liye haiṉ.

Paidáish 2 ‘17 lekin nek o bad kí pahchán ke daraḳht ká kabhí na kháná: kyúṉki jis roz tú ne us meṉ se kháyá, tú mará.

 

Paidáish 3 ;6 ‘Aurat ne jo dekhá, ki wuh daraḳht kháne ke liye achchhá, aur áṉkhoṉ ko ḳhushnumá ma‘lúm hotá hai, aur ‘aql baḳhshne ke liye ḳhúb hai, to us ke phal meṉ se liyá, aur kháyá; aur apne shauhar ko bhí diyá, aur us ne kháyá.

·         Zabúr 10:3 (URDR55)

Kyúṉki sharír apní nafsání ḳhwáhish par faḳhr kartá hai, Aur lálachí ḲHUDÁWAND ko tark kartá, balki us kí ihánat kartá hai.

Amsál 3;5 Sáre dil se ḲHUDÁWAND par tawakkul kar,

Aur apne fahm par takya na kar:

 

·         Zabúr 37:32 (URDR55)

Sharír sádiq kí ták meṉ rahtá hai, Aur use qatl karná cháhtá hai.

 

·         Hizqíel 33:8 (URDR55)

Jab maiṉ sharír se kahúṉ, Ai sharír, tú yaqínan maregá, us waqt agar tú sharír se na kahe, aur use us kí rawish se ágáh na kare, to wuh sharír to apní badkirdárí meṉ maregá; par maiṉ tujh se us ke ḳhún kí bázpurs karúṉgá.

·         Zabúr 1:5 (URDR55)

Is liye sharír ‘adálat meṉ qáim na raheṉge, Na ḳhatákár sádiqoṉ kí jamá‘at meṉ.

·         Zabúr 34:21 (URDR55)

Badí sharír ko halák kar degí: Aur sádiq se ‘adáwat rakhnewále mujrim ṭhahreṉge.

 

Paidáish 3;22 Aur ḲHUDÁWAND Ḳhudá ne kahá, Dekho, insán nek o bad kí pahchán meṉ ham meṉ se ek kí mánind ho gayá: 

·         Paidáish 38:7 (URDR55)

Aur Yahúdáh ká pahlauṭhá beṭá ‘Er ḲHUDÁWAND kí nigáh meṉ sharír thá: so ḲHUDÁWAND ne use halák kar diyá

·         Aiyúb 20:29 (URDR55)

Ḳhudá kí taraf se sharír admí ká hissa, Aur us ke liye Ḳhudá kí muqarrar kí húí mírás yihí hai.

 

I Kurinthíoṉ 15 ;45 Chunáṉchi likhá bhí hai, ki Pahlá ádmí, yaʻní Ádam, zinda nafs baná. Pichhlá Ádam zindagí baḳhshnewálí rúh baná. 46Lekin rúhání pahle na thá, balki nafsání thá; is ke baʻd rúhání húá. 47Pahlá ádmí zamín se, yaʻní ḳhákí, thá: dúsrá ádmí ásmání hai.

·         Zabúr 37:12 (URDR55)

Sharír rástbáz ke ḳhiláf bandisheṉ báṉdhtá hai Aur us par dáṉt pístá hai.

 

·         Paidáish 6:5 (URDR55)

Aur ḲHUDÁWAND ne dekhá ki zamín par insán kí badí bahut baṛh gayí, aur us ke dil ke tasawwur aur ḳhayál sadá bure hí hote haiṉ.

 

II Samúel 14;17 So terí lauṉḍí ne kahá, ki Mere málik bádsháh kí bát tasallíbaḳhsh ho; kyúṉki merá málik bádsháh nekí aur badí ke imtiyáz karne meṉ Ḳhudá ke firishte kí mánind hai:

Yasa‘iyáh 7;15 Wuh dahí aur shahd kháegá, jab tak ki wuh nekí aur badí ke radd o qubúl ke qábil na ho. 

.

·          

 

·         Zabúr 52:3 (URDR55)

Tú badí ko nekí se ziyáda pasand kartá hai, Aur jhúṭh ko sadáqat kí bát se. (Siláh.)

 

·         Zabúr 36:3 (URDR55)

Us ke muṉh meṉ badí aur fareb kí báteṉ haiṉ, Wuh dánish aur nekí se dastbardár ho gayá hai.

 

 

·         Zabúr 65:3 (URDR55)

Bad a‘mál mujh par g̣álib á játe haiṉ, Par hamárí ḳhatáoṉ ká kaffára tú hí degá.

 

·         Amsál 10:16 (URDR55)

Sádiq kí mihnat zindagání ká bá‘is hai; Sharír kí iqbálmandí gunáh karátí hai.

 

Hizqíel 28;12 ki Tú ḳhátimu’l kamál, dánish se ma‘múr, aur husn meṉ kámil hai. 13Tú ‘Adan meṉ, bág i Ḳhudá meṉ, rahá kartá thá; har ek qímatí patthar terí poshish ke liye thá, masalan yáqút i surḳh, aur pukhráj, aur almás, aur fíroza, aur saṉg i sulaimání, aur zabarjad, aur nílam, aur zumurrud, aur gauhar i shabchirág̣, aur sone se tujh meṉ ḳhátimsází aur nagínabandí kí san‘at terí paidáish hí ke roz se járí rahí. 14Tú mamsúh karúbí thá, jo sáyaafgan thá; aur maiṉ ne tujhe Ḳhudá ke koh i muqaddas par qáim kiyá; tú waháṉ átashí pattharoṉ ke darmiyán chaltá phirtá thá. 15Tú apní paidáish hí ke roz se apní ráh o rasm meṉ kámil thá, jab tak ki tujh meṉ nárástí na páí gayí. 16Terí saudágarí kí firáwání ke sabab se unhoṉ ne tujh meṉ zulm bhí bhar diyá, aur tú ne gunáh kiyá; is liye maiṉ ne tujh ko Ḳhudá ke paháṛ par se gandagí kí tarah pheṉk diyá, aur tujh sáyaafgan karúbí ko átashí pattharoṉ ke darmiyán se faná kar diyá. 17Terá dil tere husn par ghamanḍ kartá thá; tú ne apne jamál ke sabab se apní hikmat kho dí; maiṉ ne tujhe zamín par paṭak diyá, aur bádsháhoṉ ke sámne rakh diyá hai, táki wuh tujhe dekh leṉ. 18Tú ne apní badkirdárí kí kasrat aur apní saudágarí kí nárástí se apne maqdisoṉ ko nápák kiyá hai: 

Lúqá kí Injíl 10;18 Us ne un se kahá; Maiṉ Shaitán ko bijlí kí tarah ásmán se girá húá dekh rahá thá.

 

Yúhanná kí Injíl 8;44 Wuh shurúʻ hí se ḳhúní hai, aur sachcháí par qáim nahíṉ rahá, kyúṉki us meṉ sachcháí hai nahíṉ. Jab wuh jhúṭh boltá hai, to apní hí si kahtá hai; kyúṉki wuh jhúṭhá hai, balki jhúṭh ká báp hai.

 

Yahudáh 1; 6 Aur jin firishtoṉ ne apní hukúmat ko qáim na rakkhá, balki apne ḳháss maqám ko chhoṛ diyá, un ko us ne dáimí qaid meṉ táríkí ke andar roz i ʻazím kí ʻadálat tak rakkhá hai

9Lekin muqarrab firishte Míkáíl ne Músá kí lásh kí bábat Iblís se bahs o takrár karte waqt, laʻn taʻn ke sáth us par nálish karne kí jurʼat na kí, balki yih kahá, ki Ḳhudáwand tujhe malámat kare

 

Yasa‘iyáh 14; 5ḲHUDÁWAND ne sharíroṉ ká laṭh ya‘ní beinsáf hákimoṉ ká ‘asá toṛ ḍálá; 6wuhí jo logoṉ ko qahr se mártá rahá, aur qaumoṉ par g̣azab ke sáth hukmrání kartá rahá, aur koí rok na saká. 7Sárí zamín par árám o ásáish hai, wuh yakáyak gít gáne lagte haiṉ. 8Háṉ, sanaubar ke daraḳht aur Lubnán ke deodár tujh par yih kahte húe ḳhushí karte haiṉ, ki Jab se tú giráyá gayá, tab se koí káṭnewálá hamárí taraf nahíṉ áyá.

12 Ai subh ke raushan sitáre, tú kyúṉkar ásmán par se gir paṛá! ai qaumoṉ ko past karnewále, tú kyúṉkar zamín par paṭká gayá! 13Tú to apne dil meṉ kahtá thá, Maiṉ ásmán par chaṛh jáúṉgá, maiṉ apne taḳht ko Ḳhudá ke sitároṉ se bhí úṉchá karúṉgá, aur maiṉ shimálí atráf meṉ jamá‘at ke paháṛ par baiṭhúṉgá: 14maiṉ bádaloṉ se bhí úpar chaṛh jáúṉgá; maiṉ Ḳhudá Ta‘álá kí mánind húṉgá. 15Lekin tú pátál meṉ gaṛhe kí tah meṉ utárá jáegá. 16Aur jin kí nazar tujh par paṛegí, tujhe g̣aur se dekhkar kaheṉge, Kyá yih wuhí shaḳhs hai, jis ne zamín ko larzáyá, aur mamlukatoṉ ko hilá diyá; 17jis ne jahán ko wírán kiyá, aur us kí bastiyáṉ ujáṛ díṉ;

 

 Hizqíel 28;2 Ḳhudáwand ḲHUDÁ yúṉ farmátá hai, Is liye ki tere dil meṉ ghamanḍ samáyá, aur tú ne kahá, Maiṉ ḳhudá húṉ, aur wasat i bahr meṉ Iláhí taḳht par baiṭhá húṉ, aur tú ne apná dil Iláh ká sá banáyá hai: agarchi tú Iláh nahíṉ, balki insán hai: 3dekh, tú Dáníel se ziyáda dánishmand hai; aisá koí bhed nahíṉ jo tujh se chhipá ho: 4tú ne apní hikmat aur ḳhirad se mál hásil kiyá, aur sone chándí se apne ḳhazáne bhar liye: 5tú ne apní baṛí hikmat se, aur apní saudágarí se apní daulat bahut baṛháí, aur terá dil terí daulat ke bá‘is phúl gayá hai:

 

·         I Yúhanná 5:19 (URDR55)

Ham jánte haiṉ, ki ham Ḳhudá se haiṉ; aur sárí dunyá us sharír ke qabze meṉ paṛí húi hai.

 

·         I Kurinthíoṉ 5:13 (URDR55)

magar báharwáloṉ par Ḳhudá hukm kartá hai? Pas us sharír ádmí ko apne darmiyán meṉ se nikál do.

 

Romíoṉ 7:18 (URDR55)

Kyúṉki maiṉ jántá húṉ ki mujh meṉ, yaʻní mere jism meṉ, koí nekí basí húí nahíṉ:

 

 

·         Lúqá kí Injíl 18:18 (URDR55)

Phir kisí sardár ne us se yih suwál kiyá, ki Ai nek ustád, maiṉ kyá karúṉ, táki hamesha kí zindagí ká wáris banúṉ?

 

 

·         Lúqá kí Injíl 18:19 (URDR55)

Yisúʻ ne us se kahá, Tú mujhe kyúṉ nek kahtá hai? koí nek nahíṉ, magar ek, yaʻní Ḳhudá.

Romíoṉ 7;8 magar gunáh ne mauqaʻ pákar, hukm ke zaríʻe se mujh meṉ har tarah ká lálach paidá kar díyá: kyúṉki sharíʻat ke bagair gunáh murda hai. 

I Kurinthíoṉ 6;9 Kyá tum nahín jánte, ki badkár Ḳhudá kí bádsháhat ke wáris na hoṉge? Fareb na kháo; na harámkár Ḳhudá kí bádsháhat ke wáris hoṉge, na butparast, na zinákár, na ʻaiyásh, na lauṉdebáz, 10na chor, na lálchí, na sharábí, na gáliyáṉ baknewále, na zálim. 11Aur baʻz tum meṉ aise hí the bhí;

 

·         I Thissaluníkíoṉ 5:22 (URDR55)

har qism kí badí se bache raho.

·         Amsál 16:6 (URDR55)

Shafaqat aur sachcháí se badí ká kaffára hotá hai: Aur log ḲHUDÁWAND ke ḳhauf ke sabab se badí se báz áte haiṉ.

 

·         Romíoṉ 12:9 (URDR55)

Mahabbat beriyá ho. Badí se nafrat rakkho; nekí se lipṭe raho.

 

·         III Yúhanná 1:11 (URDR55)

Ai piyáre, badí kí nahíṉ, balki nekí kí pairawí kar. Nekí karnewálá Ḳhudá se hai: badí karnewále ne Ḳhudá ko nahíṉ dekhá.

·         Zabúr 34:21 (URDR55)

Badí sharír ko halák kar degí: Aur sádiq se ‘adáwat rakhnewále mujrim ṭhahreṉge.

·         Zabúr 50:19 (URDR55)

Tere muṉh se badí nikaltí hai, Aur terí zabán fareb ghaṛtí hai.

 

Galatíoṉ 5;16 Magar maiṉ yih kahtá húṉ, ki Rúh ke muwáfiq chalo, to jism kí ḳhwáhish ko hargiz púrá na karoge. 17 Kyúṉki jism Rúh ke ḳhiláf ḳhwáhish kartá hai, aur Rúh jism ke ḳhiláf; aur yih ek dúsre ke muḳhálif haiṉ; táki jo tum cháhte ho, wuh na karo. 

 

Matí kí Injíl 6;24 Koí ádmí do málikoṉ kí ḳhidmat nahíṉ kar saktá; 

 

Yaʻqúb 1;8 wuh shaḳhs dodilá hai, aur apní sárí bátoṉ meṉ beqiyám.

 

Romíoṉ 8;5 Kyúṉki jo jismání haiṉ, wuh jismání bátoṉ ke ḳhayál meṉ rahte haiṉ; lekin jo rúhání haiṉ, wuh rúhání bátoṉ ke ḳhayál meṉ rahte haiṉ. 6Aur jismání níyat maut hai;

 

Paidáish 2;17 kyúṉki jis roz tú ne us meṉ se kháyá, tú mará.

 

 magar rúhání níyat zindagí aur itmínán hai: 7 is liye ki jismání níyat Ḳhudá kí dushmaní hai; kyúṉki na to Ḳhudá kí sharíʻat ke tábiʻ hai, na ho saktí hai: 8aur jo jismání haiṉ, wuh Ḳhudá ko ḳhush nahíṉ kar sakte.

 

 Galatíoṉ 6;8 Jo koi apne jism ke liye botá hai, wuh jism se halákat kí fasl káṭegá; aur jo Rúh ke liye botá hai, wuh Rúh se hamesha kí zindagí kí fasl káṭegá.

Yúhanná kí Injíl 4;24 Ḳhudá rúh hai

I Yúhanná 4;7 Ai ʻazízo, áo ham ek dúsre se mahabbat rakkheṉ: kyúṉki mahabbat Ḳhudá kí taraf se hai, aur jo koí mahabbat rakhtá hai,

Romíoṉ 13:10 (URDR55)

Mahabbat apne paṛausí se badí nahíṉ kartí;

 

I Kurinthíoṉ 14:20 (URDR55)

Ai bháiyo, tum samajh meṉ bachche na bano: badí meṉ to bachche raho, magar samajh meṉ jawán bano

 

·         Zabúr 7:14 (URDR55)

Dekho, use badí ká dard i zih lagá hai; Balki wuh sharárat se bárdár huá, aur us se jhúṭh paidá húá.

Zabúr 7:9 (URDR55)

Kásh ki sharíroṉ kí badí ká ḳhátima ho jáe

 

·         Zabúr 97:10 (URDR55)

Ai ḲHUDÁWAND se mahabbat rakhnewálo, badí se nafrat karo: Wuh apne muqaddasoṉ kí jánoṉ ko mahfúz rakhtá hai; Wuh un ko sharíroṉ ke háth se chhuṛátá hai.

·         Wá‘iz 11:10 (URDR55)

Pas g̣am ko apne dil se dúr kar, aur badí apne jism se nikál ḍál; kyúṉki laṛakpan aur jawání donoṉ bátil haiṉ.

·         I Patras 2:16 (URDR55)

aur apne áp ko ázád jáno; magar ís ázádí ko badí ká parda na banáo, balki apne áp ko Ḳhudá ká banda jáno.

·         Matí kí Injíl 13:38 (URDR55)

aur khet dunyá, aur achchhá bíj bádsháhat ke farzand, aur kaṛwe dáne us sharír ke farzand;

·         Matí kí Injíl 5:39 (URDR55)

lekin maiṉ tum se yih kahtá húṉ, ki sharir ká muqábala ná karná; balki jo koí tere dahine gál par tamáṉcha máre, dúsrá bhí us ki taraf pher de;

Matí kí Injíl 13:19 (URDR55)

Jab koí bádsháhat ká kalám suntá hai, aur samajhtá nahíṉ, to jo us ke dil meṉ boyá gayá thá, use wuh sharír ákar chhín le játá hai.

 

Marqus kí Injíl 4;14 Bonewálá kalám botá hai. 15 Jo ráh ke kanáre haiṉ, jaháṉ ki kalám boyá játá hai, yíh wuh haiṉ, ki jab unhoṉ ne suná, to Shaitán fiʼlfaur ákar us kalám ko jo un meṉ boyá gayá thá, uṭhá le játá hai.

·         I Yúhanná 5:18 (URDR55)

Ham jánte haiṉ, ki jo koí Ḳhudá se paidá húá hai, wuh gunáh nahíṉ kartá; balki us kí hifázat wuh kartá hai, jo Ḳhudá se paidá húá, aur wuh sharír use chhúne nahíṉ pátá.