Binyamin Sachchai Ki Ruh

 

PAIDÁISH 42

1 Aur Ya‘qúb ko ma‘lúm húá ki Misr meṉ g̣alla hai: tab us ne apne beṭoṉ se kahá, ki Tum kyúṉ ek dúsre ká muṉh tákte ho? 2 Dekho, maiṉ ne suná hai, ki Misr meṉ g̣alla hai; tum waháṉ jáo, aur waháṉ se hamáre liye anáj mol le áo, táki ham zinda raheṉ aur halák na hoṉ.

 

Yúhanná kí Injíl 6; 47 Maiṉ tum se sach sach kahtá húṉ, ki Jo ímán látá hai, hamesha kí zindagí us kí hai. 48Zindagí kí roṭí maiṉ húṉ. 49Tumháre bápdádá ne biyábán meṉ mann kháyá, aur mar gaye. 50Yih wuh roṭí hai jo ásmán se utartí hai, táki ádmí us meṉ se kháe aur na mare. 51Maiṉ húṉ wuh zindagí kí roṭí jo ásmán se utrí: agar koí is roṭí meṉ se kháe, to abad tak zinda rahegá; balki jo roṭí maiṉ jahán kí zindagí ke liye dúṉgá, wuh merá gosht hai.

 

PAIDÁISH 42

3 So Yúsuf ke das bháí g̣alla mol lene ko Misr meṉ áe. 4Par Ya‘qúb ne Yúsuf ke bháí Binyamín ko us ke bháiyoṉ ke sáth na bhejá, kyúṉki us ne kahá, ki Kahíṉ us par koí áfat na á jáe.

5 So jo log g̣alla ḳharídne áe, un ke sáth Isráíl ke beṭe bhí áe, kyúṉki Kan‘án ke mulk meṉ kál thá. 6Aur Yúsuf mulk i Misr ká hákim thá, aur wuhí mulk ke sab logoṉ ke háth g̣alla bechtá thá. So Yúsuf ke bháí áe, aur apne sir zamín par ṭekkar us ke huzúr ádáb bajá láe.

7Yúsuf apne bháiyoṉ ko dekhkar un ko pahchán gayá; par us ne un ke sámne apne áp ko anján baná liyá, aur un se saḳht lahje meṉ púchhá, Tum kaháṉ se áe ho? Unhoṉ ne kahá, Kan‘án ke mulk se anáj mol lene ko.

8 Yúsuf ne to apne bháiyoṉ ko pahchán liyá thá, par unhoṉ ne use na pahcháná.

Lúqá kí Injíl 24;13 Aur dekho, usí din un meṉ se do ádmí us gaṉw kí taraf já rahe the, jis ká nám Immáús hai; wuh Yarúshalem se koí sát míl ke fásile par hai. 14Aur wuh in sab bátoṉ kí bábat, jo wáqiʻ húí thíṉ, ápas meṉ bátchít karte játe the. 15Jab wuh bátchít aur púchhpáchh kar rahe the, to aisá húá ki Yisúʻ áp nazdík ákar un ke sáth ho liyá. 16Lekin un kí áṉkheṉ band kí gayí thíṉ, ki us ko na pahcháneṉ

 

Paidáish 42;9 Aur Yúsuf un ḳhwáboṉ ko, jo us ne un kí bábat dekhe the, yád karke un se kahne lagá, ki Tum jásús ho: tum áe ho ki is mulk kí burí hálat daryáft karo. 10Unhoṉ ne us se kahá, Nahíṉ, ḳhudáwand; tere g̣ulám anáj mol lene áe haiṉ. 11Ham sab ek hí shaḳhs ke beṭe haiṉ; ham sachche haiṉ, tere g̣ulám jásús nahíṉ haiṉ.

12 Us ne kahá, Nahíṉ, balki tum is mulk kí burí hálat daryáft karne ko áe ho.

13 Tab unhoṉ ne kahá, Tere g̣ulám bárah bháí, ek hí shaḳhs ke beṭe haiṉ, jo mulk i Kan‘án meṉ hai: sab se chhoṭá is waqt hamáre báp ke pás hai, aur ek ká kuchh patá nahíṉ.

Marqus kí Injíl 3;13 Phir wuh paháṛ par chaṛh gayá, aur jin ko wuh áp cháhtá thá unheṉ pás buláyá; aur wuh us ke pás chale áe. 14Aur us ne bárah ko muqarrar kiyá, táki us ke sáth raheṉ, aur wuh unheṉ bheje ki manádí kareṉ, 

 

MATÍ KÍ INJÍL 18

1 Us waqt shágird Yisúʻ ke pás ákar bole; Pas ásmán kí bádsháhat meṉ baṛá kaun hai? 2Us ne ek bachche ko pás bulákar use un ke bích meṉ khaṛá kar diyá, 3aur kahá; Maiṉ tum se sach kahtá húṉ, ki agar tum na phiro, aur bachchoṉ kí mánind na bano, to ásmán kí bádsháhat meṉ hargiz dáḳhil na hoge. 4Pas jo koí apne áp ko is bachche kí mánind chhoṭá banáegá, wuhí ásmán kí bádsháhat meṉ baṛá hogá. 5Aur jo koí aise bachche ko mere nám par qubúl kartá hai, wuh mujhe qubúl kartá hai; 

 

Matí kí Injíl 19;14 kyúṉki ásmán kí bádsháhat aisoṉ hí kí hai. 

 

Jaise yusuf apne bhai ke liye lapta tha waise masih yesu bhi tin din tin raat baroh shagirdo ke liye lapta they

LÚQÁ KÍ INJÍL 24

1lekin hafte ke pahle din wuh subh sawere hí un ḳhushbúdár chízoṉ ko, jo taiyár kí thíṉ, lekar qabr par áíṉ; 2aur patthar ko qabr par se luṛhká húá páyá; 3magar andar jáke Ḳhudáwand Yisúʻ kí lásh na páí.

Yúhanná kí Injíl 20;15 Yisúʻ ne us se kahá, ki Ai ʻaurat, tú kyúṉ rotí hai? kis ko ḍhúṉḍhtí hai?

 

Paidáish 42;14 Tab Yúsuf ne un se kahá, Maiṉ to tum se kah chuká, ki tum jásús ho; 15 so tumhárí ázmáish is tarah kí jáegí, ki Fir‘aun kí hayát kí qasam, ki tum yaháṉ se jáne na páoge, jab tak tumhárá sab se chhoṭá bháí yaháṉ na á jáe.

AʻMÁL 1

1 Ai Thiyufilus, maiṉ ne pahlá risála un sab bátoṉ ke bayán meṉ tasníf kiyá, jo Yisúʻ shurúʻ meṉ kartá aur sikhátá rahá, 2us din tak ki wuh un rasúloṉ ko jinheṉ us ne chuná thá, Rúhuʼl Quds ke wasíle se hukm dekar, úpar uṭháyá na gayá. 3Us ne dukh sahne ke baʻd bahut se subútoṉ se apne áp ko un par zinda záhir bhí kiyá; chunáṉchi wuh chálís din tak unheṉ nazar átá, aur Ḳhudá kí bádsháhat kí báteṉ kahtá rahá: 4aur un se milkar un ko hukm diyá, ki Yarúshalem se báhar na jáo, balki Báp ke us waʻde ke púrá hone ke muntazir raho, jis ká zikr tum mujh se sun chuke ho.

 

Paidáish 42;16 So apne meṉ se kisí ek ko bhejo, ki wuh tumháre bháí ko le áe: aur tum qaid raho, táki tumhárí bátoṉ kí tasdíq ho, ki tum sachche ho yá nahíṉ; warna Fir‘aun kí hayát kí qasam, tum zarúr hí jásús ho. 

 17Aur us ne un sab ko tín din tak ikaṭṭhe nazarband rakkhá. 18Aur tísre din Yúsuf ne un se kahá, Ek kám karo to zinda rahoge, kyúṉki mujhe Ḳhudá ká ḳhauf hai. 19Agar tum sachche ho, to apne bháiyoṉ meṉ se ek ko qaidḳháne meṉ band rahne do: aur tum apne gharwáloṉ ke kháne ke liye anáj le jáo. 20Aur apne sab se chhoṭe bháí ko mere pás le áo; yúṉ tumhárí bátoṉ kí tasdíq ho jáegí, aur tum halák na hoge. So unhoṉ ne aisá hí kiyá.

 

Matí kí Injíl 12; 40 kyúṉki jaise Yúnus tín rát din machhlí ke peṭ meṉ rahá, waise hí Ibn i Ádam tín rát din zamín ke andar rahegá

 

YÚHANNÁ KÍ INJÍL 16

;5 Magar ab maiṉ apne bhejnewále ke pás játá húṉ; aur tum meṉ se koí mujh se nahíṉ púchhtá, ki Tú kaháṉ játá hai? 6balki is liye ki maiṉ ne yih báteṉ tum se kahíṉ, tumhárá dil gam se bhar gayá. 7 Lekin maiṉ tum se sach kahtá húṉ, ki Merá jáná tumháre liye fáidamand hai; kyúṉki agar maiṉ na jáúṉ, to wuh Madadgár tumháre pás na áegá; lekin agar jáúṉgá, to use tumháre pás bhej dúṉgá.

Paidáish 42;29 Aur wuh mulk i Kan‘án meṉ apne báp Ya‘qúb ke pás áe, aur sárí wáridát use batáí; aur kahne lage, 30ki Us shaḳhs ne, jo us mulk ká málik hai, ham se saḳht lahje meṉ báteṉ kíṉ, aur ham ko us mulk ke jásús samjhá.

Paidáish 42;31 Ham ne us se kahá, ki Ham sachche ádmí haiṉ; ham jásús nahíṉ. 32Ham bárah bháí ek hí báp ke beṭe haiṉ; ham meṉ se ek ká kuchh patá nahíṉ, aur sab se chhoṭá is waqt hamáre báp ke pás mulk i Kan‘án meṉ hai. 33Tab us shaḳhs ne, jo mulk ká málik hai, ham se kahá, Maiṉ isí se ján lúṉgá ki tum sachche ho, ki apne bháiyoṉ meṉ se kisí ko mere pás chhoṛ do, aur apne gharwáloṉ ke kháne ke liye anáj lekar chale jáo, 34aur apne sab se chhoṭe bháí ko mere pás le áo: tab maiṉ ján lúṉgá, ki tum jásús nahíṉ, balki sachche ádmí ho; aur maiṉ tumháre bháí ko tumháre hawále kar dúṉgá; phir tum mulk meṉ saudágarí karná.

35 Aur yúṉ húá, ki jab unhoṉ ne apne apne bore ḳhálí kiye, to har shaḳhs kí naqdí kí thailí usí ke bore meṉ rakkhí dekhí; aur wuh aur un ká báp naqdí kí thailiyáṉ dekhkar ḍar gaye. 36Aur un ke báp Ya‘qúb ne un se kahá, Tum ne mujhe beaulád kar diyá. Yúsuf nahíṉ rahá, aur Shama‘ún bhí nahíṉ hai, aur ab Binyamín ko bhí le jáná cháhte ho. Yih sab báteṉ mere ḳhiláf haiṉ. 37Tab Rúbin ne apne báp se kahá, Agar maiṉ use tere pás na le áúṉ, to mere donoṉ beṭoṉ ko qatl kar ḍálná. Use mere háth meṉ sauṉp de, aur maiṉ use phir tere pás pahuṉchá dúṉgá. 38Us ne kahá, Merá beṭá tumháre sáth nahíṉ jáegá; kyúṉki us ká bháí mar gayá, aur wuh akelá rah gayá hai; agar ráste meṉ játe játe us par koí áfat á paṛe, to tum mere safed báloṉ ko g̣am ke sáth gor meṉ utároge.

PAIDÁISH 43

1 Aur kál mulk meṉ âur bhí saḳht ho gayá. 2Aur yúṉ húá, ki jab us g̣alle ko, jise Misr se láe the, khá chuke, to un ke báp ne un se kahá, ki Jákar hamáre liye phir kuchh anáj mol le áo. 3Tab Yahúdáh ne use kahá, ki Us shaḳhs ne ham ko niháyat tákíd se kah diyá thá, ki Tum merá muṉh na dekhoge, jab tak tumhárá bháí tumháre sáth na ho. 4So agar tú hamáre bháí ko hamáre sáth bhej de, to ham jáeṉge, aur tere liye anáj mol láeṉge. 5Aur agar tú use na bheje, to ham nahíṉ jáeṉge, kyúṉki us shaḳhs ne kah diyá hai, ki Tum merá muṉh na dekhoge, jab tak tumhárá bháí tumháre sáth na ho. 6Tab Isráíl ne kahá, ki Tum ne mujh se kyúṉ yih badsulúkí kí, ki us shaḳhs ko batá diyá ki Hamárá ek bháí âur bhí hai? 

Paidáish 43;8 Tab Yahúdáh ne apne báp Isráíl se kahá, ki Us laṛke ko mere sáth kar de, to ham chale jáeṉge, táki ham, aur tú, aur hamáre bál bachche zinda raheṉ aur halák na hoṉ. 

 9 Aur maiṉ us ká zámin hotá húṉ; tú us ko mere háth se wápas máṉgná. Agar maiṉ use tere pás pahuṉchákar sámne khaṛá na kar dúṉ, to maiṉ hamesha ke liye gunahgár ṭhahrúṉgá. 

10 Agar ham der na lagáte, to ab tak dúsrí daf‘a lauṭkar á bhí játe. 11Tab un ke báp Isráíl ne un se kahá, Agar yihí bát hai, to aisá karo, ki apne bartanoṉ meṉ is mulk kí mashhúr paidáwár meṉ se kuchh us shaḳhs ke liye nazrána lete jáo, jaise thoṛá sá raug̣an i balsán, thoṛá sá shahd, kuchh garm masálih, aur murr, aur pista, aur bádám: 12aur dúná dám apne háth meṉ le lo; aur wuh naqdí, jo pher dí gayí aur tumháre boroṉ ke muṉh meṉ rakkhí milí, apne sáth wápas le jáo, kyúṉki sháyad bhúl ho gayí hogí. 13Aur apne bháí ko bhí sáth lo, aur uṭhkar phir us shaḳhs ke pás jáo. 14Aur Ḳhudá e Qádir us shaḳhs ko tum par mihrbán kare, táki wuh tumháre dúsre bháí ko aur Binyamín ko tumháre sáth bhej de. Maiṉ agar beaulád húá, to húá.

Yúhanná kí Injíl 14;10 Kyá tú yaqín nahíṉ kartá, ki maiṉ Báp meṉ húṉ, aur Báp mujh meṉ hai? Yih báteṉ jo maiṉ tum se kahtá húṉ, apní taraf se nahíṉ kahtá: lekin Báp mujh meṉ rahkar apne kám kartá hai. 11Merá yaqín karo, ki maiṉ Báp meṉ húṉ, aur Báp mujh meṉ; nahíṉ to mere kámoṉ hí ke sabab merá yaqín karo. 12Maiṉ tum se sach sach kahtá húṉ, ki Jo mujh par ímán rakhtá hai, yíh kám jo maiṉ kartá húṉ, wuh bhí karegá; balki in se bhí baṛe kám karegá; kyúṉki maiṉ Báp ke pás játá húṉ. 13Aur jo kuchh tum mere nám se cháhoge, maiṉ wuhí karúṉgá, táki Báp Beṭe meṉ jalál páe. 14Agar mere nám se mujh se kuchh cháhoge, to maiṉ wuhí karúṉgá. 15Agar tum mujh se mahabbat rakhte ho, to mere hukmoṉ par ʻamal karoge; 16aur maiṉ Báp se darḳhwást karúṉgá, to wuh tumheṉ dúsrá Madadgár baḳhshegá, ki abad tak tumháre sath rahe, 17yaʻní sachcháí kí Rúh, jise dunyá hásil nahíṉ kar saktí, kyúṉki na use dekhtí, aur na jántí hai: tum use jánte ho; kyúṉki wuh tumháre sáth rahtí hai, aur tumháre andar hogí. 18Maiṉ tumheṉ yatím na chhoṛúṉgá; maiṉ tumháre pás áúṉgá. 19Thoṛí der báqí hai, ki dunyá mujhe phir na dekhegí; magar tum mujhe dekhte rahoge: chúṉki maiṉ jítá húṉ, tum bhí jíte rahoge. 20Us roz tum jánoge ki maiṉ apne Báp meṉ húṉ, aur tum mujh meṉ, aur maiṉ tum meṉ

MATÍ KÍ INJÍL 18

;3 aur kahá; Maiṉ tum se sach kahtá húṉ, ki agar tum na phiro, aur bachchoṉ kí mánind na bano, to ásmán kí bádsháhat meṉ hargiz dáḳhil na hoge. 4Pas jo koí apne áp ko is bachche kí mánind chhoṭá banáegá, wuhí ásmán kí bádsháhat meṉ baṛá hogá.

Lúqá kí Injíl 24;44 Phir us ne un se kahá, ki Yih merí wuh báteṉ haiṉ, jo maiṉ ne tum se us waqt kahí thíṉ, jab tumháre sáth thá, ki zarúr hai ki jitní báteṉ; Músá kí Tauret, aur nabíoṉ ke sahífoṉ, aur Zabúr meṉ merí bábat likhí haiṉ, púrí hoṉ. 45Phir us ne un ká zihn kholá, táki kitáb i muqaddas ko samjheṉ,