Burj I Babal

 

 

Agar aap is video ko dekh aur sun rahein hain

Apka iman masih yesu par or masih yesu se hai

To aap mubarik hain,fazl par fazl masih yesu men aap par huta rahe.

Sabr or shanti or salamati ke sath humare sath video men akhir tak bane rahen

,

Yaqinan ye qalam humari  ruh ki taraqi ke liye masih yesu ke fazl se hai

Zabúr 118;22 Jis patthar ko mi‘mároṉ ne radd kiyá,

Wuhí kone ke sire ká patthar ho gayá.

23 Yih ḲHUDÁWAND kí taraf se húá;

Aur hamárí nazar meṉ ‘ajíb hai.

 

Yeh nawishta babal ke burj haqeeqi waqiyat se masih yesu ke haq men duad nabi ke wasile kitab I muqadass men bataur nabuwat likha hai

Jo masih yeshua ke fazl se muksashfa

Ke ruh ke wasile or ruh l qudus ki madad humari ruh par zahir huta hai

Magar pathar or mimaron men kya  tamsil payi jati hai

Ayein hum masih yesua ke fazl se  mukshafa ke ruh se sikhtein hain

 

 

 

YASA‘IYÁH 66

1 ḲHUDÁWAND yúṉ farmátá hai, ki Ásmán merá taḳht hai, aur zamín mere páṉw kí chaukí; tum mere liye kaisá ghar banáoge, aur kaun sí jagah merí árámgáh hogi? 

 

Zabúr 12:4 URDR55

Wuh kahte haiṉ, Ham apní zabán se jíteṉge; Hamáre hoṉṭh hamáre hí haiṉ: hamárá málik kaun hai?

 

II Patras 1;21 Kyúṉki nubuwwat kí koí bát ádmí kí ḳhwáhish se kabhí nahíṉ húí, balki ádmí Rúhuʼl Quds kí tahrík ke sabab Ḳhudá kí taraf se bolte the.

 

PAIDÁISH 11

1 Aur tamám zamín par ek hí zabán aur ek hí bolí thí. 2 Aur aisá húá ki mashriq kí taraf safar karte karte un ko mulk i Sin‘ár meṉ ek maidán milá, aur wuh waháṉ bas gaye. 3 Aur unhoṉ ne ápas meṉ kahá, Áo, ham íṉṭeṉ banáeṉ aur un ko ág meṉ ḳhúb pakáeṉ. So unhoṉ ne patthar kí jagah íṉṭ se aur chúne kí jagah gáṛe se kám liyá. 

 

Ye int or pathar men tamsil payi jati hai jiska mukashfa  masih yesu ke wasile ruh l qudus se zahir huta hai

Iske bare hum age chalkar baat karein ge humare sath masih ke kalaam me  es video ke vasile  akhir tak bane

4

Phir wuh kahne lage, ki Áo, ham apne wáste ek shahr aur ek burj, jis kí choṭí ásmán tak pahuṉche banáeṉ, aur yaháṉ apná nám kareṉ, aisá na ho, ki ham tamám rú e zamín par paragánda ho jáeṉ. 5Aur ḲHUDÁWAND is shahr aur burj ko, jise baní Ádam banáne lage, dekhne ko utrá. 6Aur ḲHUDÁWAND ne kahá, Dekho, yih log sab ek haiṉ aur in sabhoṉ kí ek hí zabán hai. Wuh jo yih karne lage haiṉ, to ab kuchh bhí jis ká wuh iráda kareṉ, un se báqí na chhúṭegá. 7 So áo, ham waháṉ jákar un kí zabán meṉ iḳhtiláf ḍáleṉ, táki wuh ek dúsre kí bát samajh na sakeṉ. 8 Pas ḲHUDÁWAND ne un ko waháṉ se tamám rú e zamín meṉ paráganda kiyá: so wuh us shahr ke banáne se báz áe. 9 Is liye us ká nám Bábul húá; kyúṉki ḲHUDÁWAND ne waháṉ sárí zamín kí zabán meṉ iḳhtiláf ḍálá: aur waháṉ se ḲHUDÁWAND ne un ko tamám rú e zamín par paráganda kiyá.

 

Ye wuhi mimar hain

 

Matí kí Injíl 21;42 Yisúʻ ne un se kahá; Kyá tum ne kitáb i muqaddas meṉ kabhí nahíṉ paṛhá,

 

 

ki

Jis patthar ko miʻmároṉ ne radd kiyá,

Wuhí kone ke sire ká patthar ho gayá;

Yih Ḳhudáwand kí taraf se húá,

Aur hamárí nazar meṉ ʻajib hai?

·         Paidáish 10:5 (URDR55)

Qaumoṉ ke jazíre in hí kí nasl meṉ baṭkar, har ek kí zabán aur qabíle ke mutábiq muḳhtalif mulk aur guroh ho gaye.

 

 

I Patras 2 ;6 Chunáṉchi kitáb i muqaddas meṉ áyá hai, ki

Dekho, maiṉ Siyyon meṉ kone ke sire ká chuná húá aur qímatí patthar rakhtá húṉ:

Jo us par ímán láegá, hargiz sharminda na hogá.

 

·         I Kurinthíoṉ 14:11 (URDR55)

Pas agar maiṉ kisí zabán ke maʻní na samjhúṉ, to bolnewále ke nazdík maiṉ ajnabí ṭhahrúṉgá, aur bolnewálá mere nazdík ajnabí ṭhahregá.

 

 

 

 

 

Kalam muqadas ke mutabik int ke kya mayine hai, or int men kya tamsil payi jati hai

 

Pehle aadam ko khuda ne  int ki tarah  zamin ki mitti go kar bnaya aur dosra  aadam yani masih yesu ko  ruh l qudus ki bhatti men tapaya

 

Ḳhurúj 1;8 Tab Misr meṉ ek nayá bádsháh húá, jo Yúsuf ko nahíṉ jántá thá. 9 Aur us ne apní qaum ke logoṉ se kahá, Dekho, Isráílí  ham se ziyáda aur qawí ho gaye haiṉ. 10 So áo, ham un ke sáth hikmat se pesh áeṉ,

13 Aur Misríoṉ ne baní Isráíl par tashaddud kar karke un se kám karáyá. 14Aur unhoṉ ne un se saḳht mihnat se gárá aur íṉṭ banwá banwákar, aur khet meṉ har qism kí ḳhidmat le lekar un kí zindagí talḳh kí;

11 Is liye unhoṉ ne un par begár lenewále muqarrar kiye, jo un se saḳht kám le lekar un ko satáeṉ. So unhoṉ ne Fir‘aun ke liye zaḳhíra ke shahr Pitom aur Ra‘msís banáe.

 

ḲHURÚJ 3

1 Aur Músá apne ḳhusar Yitro kí, jo Midyán ká káhin thá, bheṛ bakriyáṉ charátá thá, aur wuh bheṛ bakriyoṉ ko haṉkátá húá un ko biyábán kí par lí taraf se Ḳhudá ke paháṛ Horib ke nazdík le áyá. 2Aur ḲHUDÁWAND ká firishta ek jháṛí meṉ se ág ke shu‘le meṉ us par záhir húá: us ne nigáh kí, aur kyá dekhtá hai, ki ek jháṛí meṉ ág lagí húí hai, par wuh jháṛí bhasam nahíṉ húí. 3Tab Músá ne kahá, Maiṉ ab zará udhar katrákar is baṛe manzar ko dekhúṉ, ki yih jháṛí kyúṉ nahíṉ jal játí. 4Jab ḲHUDÁWAND ne dekhá, ki wuh dekhne ko katrákar á rahá hai, to Ḳhudá ne use jháṛí meṉ se pukárá, aur kahá, Ai Músá, ai Músá! Us ne kahá, Maiṉ házir húṉ. 5Tab us ne kahá, Idhar pás mat á; apne páṉwoṉ se jútá utár; kyúṉki jis jagah tú khaṛá hai wuh muqaddas zamín hai. 6Phir us ne kahá, ki Maiṉ tere báp ká Ḳhudá, ya‘ní Abrahám ká Ḳhudá, aur Izháq ká Ḳhudá, aur Ya‘qúb ká Ḳhudá húṉ.

*****************************************************************

 7 Aur ḲHUDÁWAND ne kahá, Maiṉ ne apne logoṉ kí taklíf, jo Misr meṉ haiṉ, ḳhúb dekhí, aur un kí faryád, jo begár lenewáloṉ ke sabab se hai, suní; aur maiṉ un ke dukhoṉ ko jántá húṉ: 8aur maiṉ utrá húṉ, ki un ko Misríoṉ ke háth se chhuṛáúṉ, aur us mulk se nikálkar un ko ek achchhe aur wasí‘ mulk meṉ, jaháṉ dúdh aur shahd bahtá hai, ya‘ní Kan‘áníoṉ, aur Hittíoṉ, aur Amoríoṉ, aur Farizzíoṉ, aur Hawwíoṉ, aur Yabúsíoṉ ke mulk meṉ, pahuṉcháúṉ. 9Dekh, baní Isráíl kí faryád mujh tak pahuṉchí hai, aur maiṉ ne wuh zulm bhí, jo Misrí un par karte haiṉ, dekhá hai. 10So ab á; maiṉ tujhe Fir‘aun ke pás bhejtá húṉ, ki tú merí qaum baní Isráíl ko Misr se nikál láe. 11Músá ne Ḳhudá se kahá, Maiṉ kaun húṉ, jo Fir‘aun ke pás jáúṉ, aur baní Isráíl ko Misr se nikál láún? 12Us ne kahá, Maiṉ zarúr tere sáth rahúṉgá, aur is ká, ki maiṉ ne tujhe bhejá hai, tere liye yih nishán hogá, ki jab tú un logoṉ ko Misr se nikál láegá, to tum is paháṛ par Ḳhudá kí ‘ibádat karoge. 13Tab Músá ne Ḳhudá se kahá, Jab maiṉ baní Isráíl ke pás jákar un ko kahúṉ, ki Tumháre bápdádá ke Ḳhudá ne mujhe tumháre pás bhejá hai; aur wuh mujhe kaheṉ, ki Us ká nám kyá hai? to maiṉ un ko kyá batáúṉ? 14Ḳhudá ne Músá se kahá, MAIṈ JO HÚṈ, SO MAIṈ HÚṈ. So tú baní Isráíl se yúṉ kahná, ki MAIṈ JO HÚṈ ne mujhe tumháre pás bhejá hai. 15Phir Ḳhudá ne Músá se yih bhí kahá, ki Tú baní Isráíl se yúṉ kahná, ki ḲHUDÁWAND, tumháre bápdádá ke Ḳhudá, Abrahám ke Ḳhudá, aur Izháq ke Ḳhudá, aur Ya‘qúb ke Ḳhudá ne mujhe tumháre pás bhejá hai; abad tak merá yihí nám hai, aur sab nasloṉ meṉ isí se merá zikr hogá. 16Jákar Isráílí buzurgoṉ ko ek jagah jama‘ kar, aur un ko kah, ki ḲHUDÁWAND, tumháre bápdádá ke Ḳhudá, Abrahám, aur Izháq, aur Ya‘qúb ke Ḳhudá ne mujhe dikháí dekar yih kahá hai, ki Maiṉ ne tum ko bhí, aur jo kuchh bartáo tumháre sáth Misr meṉ kiyá já rahá hai, use bhí ḳhúb dekhá hai. 17Aur maiṉ ne kahá hai, ki Maiṉ tum ko Misr ke dukh meṉ se nikálkar Kan‘áníoṉ, aur Hittíoṉ, aur Amoríoṉ, aur Farizzíoṉ, aur Hawwíoṉ, aur Yabúsíoṉ ke mulk meṉ le chalúṉgá, jaháṉ dúdh aur shahd bahtá hai. 18Aur wuh terí bát máneṉge, aur tú Isráílí buzurgoṉ ko sáth lekar Misr ke bádsháh ke pás jáná aur us se kahná, ki ḲHUDÁWAND ‘Ibráníoṉ ke Ḳhudá kí ham se muláqát húí, ab tú ham ko tín din kí manzil tak biyábán meṉ jáne de, táki ham ḲHUDÁWAND apne Ḳhudá ke liye qurbání kareṉ. 19Aur maiṉ jántá húṉ, ki Misr ká bádsháh tum ko na yúṉ jáne degá, na baṛe zor se. 20So maiṉ apná háth baṛháúṉgá aur Misr ko un sab ‘ajáib se, jo maiṉ us meṉ karúṉgá, musíbat meṉ ḍál dúṉgá. Is ke ba‘d wuh tum ko jáne degá. 21Aur maiṉ un logoṉ ko Misríoṉ kí nazar meṉ ‘izzat baḳhshúṉgá;

ḲHURÚJ 5

1Is ke ba‘d Músá aur Hárún ne jákar, Fir‘aun se kahá, ki ḲHUDÁWAND Isráíl ká Ḳhudá yúṉ farmátá hai, ki Mere logoṉ ko jáne de, táki wuh biyábán meṉ mere liye ‘íd kareṉ. 2Fir‘aun ne kahá, ki ḲHUDÁWAND kaun hai, ki maiṉ us kí bát ko mánkar baní Isráíl ko jáne dúṉ? Maiṉ ḲHUDÁWAND ko nahíṉ jántá, aur maiṉ baní Isráíl ko jáne bhí nahíṉ dúṉgá. 3Tab unhoṉ ne kahá, ki ‘Ibráníoṉ ká Ḳhudá ham se milá hai: so ham ko ijázat de, ki ham tín din kí manzil biyábán meṉ jákar ḲHUDÁWAND apne Ḳhudá ke liye qurbání kareṉ; tá na ho, ki wuh ham meṉ wabá bhej de yá ham ko talwár se marwá de. 4Tab Misr ke bádsháh ne un ko kahá, Ai Músá, aur ai Hárún, tum kyúṉ in logoṉ ko in ke kám se chhuṛwáte ho? Tum jákar apne apne bojh ko uṭháo. 5Aur Fir‘aun ne yih bhí kahá, Dekho, Yih log is mulk meṉ bahut ho gaye haiṉ, aur tum in ko in ke kám se biṭháte ho. 6Aur usí din Fir‘aun ne begár lenewáloṉ aur sardároṉ ko, jo logoṉ par the, hukm kiyá: 7ki Ab áge ko tum in logoṉ ko íṉṭeṉ banáne ke liye bhus na dená, jaise ab tak dete rahe; wuh ḳhud hí jákar apne liye bhus baṭoreṉ. 8Aur in se utní hí íṉṭeṉ banwáná, jitní wuh ab tak banáte áe haiṉ. Tum us meṉ se kuchh na ghaṭáná, kyúṉki wuh káhil ho gaye haiṉ, isí liye chillá chillákar kahte haiṉ, ki Ham ko jáne do, ki ham apne Ḳhudá ke liye qurbání kareṉ. 9So in se ziyáda saḳht mihnat lí jáe, táki kám meṉ mashg̣úl raheṉ, aur jhúṭhí bátoṉ se dil na lagáeṉ. 10Tab begár lenewáloṉ aur sardároṉ ne, jo logoṉ par the, jákar un se kahá, ki Fir‘aun kahtá hai, Maiṉ tum ko bhus nahíṉ dene ká. 11Tum ḳhud hí jáo, aur jaháṉ kahíṉ tum ko bhus mile waháṉ se láo, kyúṉki tumhárá kám kuchh bhí ghaṭáyá nahíṉ jáegá. 12Chunáṉchi wuh log tamám mulk i Misr meṉ máre máre phirne lage, ki bhus ke ‘iwaz khúṉṭí jama‘ kareṉ. 13Aur begár lenewále yih kahkar jaldí karáte the, ki Tum apná roz ká kám jaise bhus pákar karte the, ab bhí karo. 14Aur baní Isráíl meṉ se, jo jo Fir‘aun ke begár lenewáloṉ kí taraf se in logoṉ par sardár muqarrar húe the, un par már paṛí, aur un se púchhá gayá, ki Kyá sabab hai, ki tum ne pahle kí tarah áj aur kal púrí púrí íṉṭeṉ nahíṉ banwáíṉ? 15Tab un sardároṉ ne, jo baní Isráíl meṉ se muqarrar húe the, Fir‘aun ke áge jákar faryád kí aur kahá, ki Tú apne ḳhádimoṉ se aisá sulúk kyúṉ kartá hai? 16Tere ḳhádimoṉ ko bhus to diyá nahíṉ játá, aur wuh ham se kahte rahte haiṉ, ki Íṉṭeṉ banáo: aur dekh, tere ḳhádim már bhí kháte haiṉ, par qusúr tere logoṉ ká hai. 17Us ne kahá, Tum sab káhil ho, káhil, isí liye tum kahte ho, ki Ham ko jáne de, ki ḲHUDÁWAND ke liye qurbání kareṉ. 18So ab tum jáo, kám karo; kyúṉki bhus tum ko nahíṉ milegá, aur íṉṭoṉ ko tumheṉ usí hisáb se dená paṛegá. 19Jab baní Isráíl ke sardároṉ se yih kahá gayá, ki Tum apní íṉṭoṉ aur roz marra ke kám meṉ kuchh bhí kamí nahíṉ karne páoge, to wuh ján gaye ki wuh kaise wabál meṉ phaṉse húe haiṉ.

 

 

 

Amsál 17;3  Chándí ke liye kuṭhálí hai aur sone ke liye bhaṭṭí:

                  Par diloṉ ko ḲHUDÁWAND parakhtá hai

·         Yashú‘ 7:21 (URDR55)

ki jab maiṉ ne lúṭ ke mál meṉ Bábul kí ek nafís chádar, aur do sau misqál chándí, aur pachás misqál sone kí ek íṉṭ dekhí, to maiṉ ne lalchákar un ko le liyá; aur dekh, wuh mere ḍere meṉ zamín meṉ chhipáí húí haiṉ, aur chándí un ke níche hai.

Gintí 31;22 soná aur chándí, aur pítal, aur lohá, aur ráṉgá, aur sísá; 23g̣araz, jo kuchh ág meṉ ṭhahar sake, wuh sab tum ág meṉ ḍálná; tab wuh sáf hogá; taubhí nápákí dúr karne ke pání se use pák karná paṛegá; aur jo kuchh ág meṉ na ṭhahar sake, use tum pání meṉ ḍálná.

 

 

 

Mukáshafa 3;18 is liye maiṉ tujhe saláh detá húṉ, ki mujh se ág meṉ tapáyá húá soná ḳharíd       le, táki daulatmand ho jáe;

I Patras 1;7 aur yih is liye hai, ki tumhárá ázmáyá húá ímán, jo ág se ázmáe húe fání sone se bhí bahut hí beshqímat hai, Yisúʻ Masíh ke zuhúr ke waqt taʻríf aur jalál aur ʻizzat ká báʻis ṭhahre:

·         Náhúm 3:14 (URDR55)

Tú apne muhásare ke waqt ke liye pání bhar le, aur apne qil‘oṉ ko mazbút kar; gaṛhe meṉ utarkar miṭṭí taiyár kar, aur íṉṭ ká sáṉcha háth meṉ le.

 

 

·         I Kurinthíoṉ 10:13 (URDR55)

Tum kisí aisí ázmáish meṉ nahíṉ paṛe, jo insán kí bardásht se báhar ho. Aur Ḳhudá sachchá hai; wuh tum ko tumhárí táqat se ziyáda ázmáish meṉ na paṛne degá; balki ázmáish ke sáth nikalne kí ráh bhí paidá kar degá, táki tum bardásht kar sako.

 

 

Yaʻqúb 3:5 (URDR55)

Isí tarah zabán bhí ek chhoṭá sá ʻuzw hai, aur baṛí sheḳhí mártí hai. Dekho, thoṛí sí ág se kitne baṛe jangal meṉ ág lag játí hai.

 

Matí kí Injíl 12;25 Jis kisí bádsháhat meṉ phúṭ paṛtí hai, wuh wírán ho játí hai, aur jis kisí shahr yá ghar meṉ phúṭ paṛegí, wuh qáim na rahegá

 

Yúhanná kí Injíl 5; 43 Maiṉ apne Báp ke nám se áyá húṉ, aur tum mujhe qubúl nahíṉ karte; agar koí âur apne hí nám se áe, to use qubúl kar loge.

 

 

·         Filippíoṉ 2:11 (URDR55)

aur Ḳhudá Báp ke jalál ke liye har ek zabán iqrár kare, ki Yisúʻ Masíh Ḳhudáwand hai.

 

·         Romíoṉ 14:11 (URDR55)

Chunáṉchi yih likhá hai, ki Ḳhudáwand kahtá hai; Apní hayát kí qasam, har ek ghuṭná mere áge ṭikegá, Aur har ek zabán Ḳhudá ká iqrár karegí.

I Kurinthíoṉ 10;4 aur sab ne ek hí rúhání pání piyá: kyúṉki wuh us rúhání chaṭán meṉ se pání píte the, jo un ke sáth sáth chaltí thí: aur wuh chaṭán Masíh thá.

I Kurinthíoṉ 12;13 Kyúṉki ham sab ne, ḳhwáh Yahúdí hoṉ, ḳhwáh Yúnání, ḳhwáh gulám, ḳhwáh ázád, ek hí Rúh ke wasíle se ek badan hone ke liye baptisma liyá, aur ham sab ko ek hí Rúh piláí gayí

 

Hizqíel 1;3 aur waháṉ ḲHUDÁWAND ká háth us par thá. 4 Aur maiṉ ne nazar kí, to kyá dekhtá húṉ, ki shimál se áṉdhí uṭhí, ek baṛí ghaṭá, aur lipṭí húí ág, aur us ke gird raushní chamaktí thí, aur us ke bích se, ya‘ní us ág meṉ se, saiqal kiye húe pítal kí sí súrat jalwagar húí

HIZQÍEL 10

1Tab maiṉ ne nigáh kí, aur kyá dekhtá húṉ, ki us fazá par jo karúbíoṉ ke sir ke úpar thí, ek chíz nílam sí dikháí dí, aur us kí súrat taḳht kí sí thí. 2Aur us ne us ádmí ko jo katání libás pahine thá farmáyá, ki Un pahiyoṉ ke andar já, jo karúbí ke níche haiṉ, aur ág ke angáre jo karúbíoṉ ke darmiyán haiṉ muṭṭhí bharkar uṭhá, aur shahr ke úpar bikher de. Aur wuh gayá, aur maiṉ dekhtá thá. 3Jab wuh shaḳhs andar gayá, tab karúbí haikal kí dahiní taraf khaṛe the; aur andarúní sahn bádal se bhar gayá. 4Tab ḲHUDÁWAND ká jalál karúbí par se baland hokar haikal ke ástáne par áyá; aur haikal bádal se bhar gayá, aur sahn ḲHUDÁWAND ke jalál ke núr se ma‘múr ho gayá. 5Aur karúbíoṉ ke paroṉ kí sadá báhar ke sahn tak sunáí detí thí, jaise Qádir i mutlaq Ḳhudá kí áwáz jab wuh kalám kartá hai. 6Aur yúṉ húá, ki jab us ne us shaḳhs ko, jo katání libás pahine thá, hukm kiyá, ki wuh pahiye ke andar se aur karúbíoṉ ke darmiyán se ág le, tab wuh andar gayá aur pahiye ke pás khaṛá húá. 7Aur ek karúbí ne karúbíoṉ meṉ se apná háth us ág kí taraf jo karúbíoṉ ke darmiyán thí baṛháyá, aur ág lekar us shaḳhs ke háthoṉ par jo katání libás pahine thá rakkhí; wuh lekar báhar chala gayá.

kyúṉki jándár kí rúh un meṉ thí. 18 Aur ḲHUDÁWAND ká jalál ghar ke ástáne par se rawána hokar karúbíoṉ ke úpar ṭhahr gayá.

AʻMÁL 2

1Jab ʻIʹd i Pintekust ká din áyá, to wuh sab ek jagah jamaʻ the; 2ki yakáyak ásmán se aisí áwáz áí, jaise zor kí áṉdhí ká sannáṭá hotá hai, aur us se sárá ghar jaháṉ wuh baiṭhe the, gúṉj gayá. 3Aur unheṉ ág ke shuʻle kí sí phaṭtí húí zabáneṉ dikháí díṉ; aur un meṉ se har ek par á ṭhahríṉ. 4 Aur wuh sab Rúhuʼl Quds se bhar gaye, aur gair zabáneṉ bolne lage, jis tarah Rúh ne unheṉ bolne kí táqat baḳhshí.

·         Yasa‘iyáh 28:16 (URDR55)

is liye Ḳhudáwand ḲHUDÁ yúṉ farmátá hai, Dekho, main Siyyún meṉ bunyád ke liye ek patthar rakkhúṉgá, ázmúda patthar, muhkam bunyád ke liye, kone ke sire ká qímatí patthar: jo koí ímán látá hai qáim rahegá.

·         I Patras 2:7 (URDR55)

Pas tum ímán lánewáloṉ ke liye to wuh qímatí hai: magar ímán na lánewáloṉ ke liye Jis patthar ko miʻmároṉ ne radd kiyá, Wuhí kone ke sire ká patthar ho gayá;

·         Matí kí Injíl 21:44 (URDR55)

Aur jo is patthar par giregá, us ke ṭukṛe ṭukṛe ho jáeṉge, magar jis par wuh giregá, use pís dálegá.

ḲHURÚJ 34

1Phir ḲHUDÁWAND ne Músá se kahá, Pahlí lauhoṉ kí mánind patthar kí do lauheṉ apne liye tarásh lená: aur maiṉ un lauhoṉ par wuhí báteṉ likh dúṉgá, jo pahlí lauhoṉ par, jin ko tú ne toṛ ḍálá, marqúm thíṉ.

4 Aur Músá ne pahlí lauhoṉ kí mánind patthar kí do lauheṉ taráshíṉ; aur subh sawere uṭhkar patthar kí donoṉ lauheṉ háth meṉ liye húe ḲHUDÁWAND ke hukm ke mutábiq koh i Síná par chaṛh gayá.

 

Ifisíoṉ 2 ;3

in meṉ ham bhí sab ke sab pahle apne jism kí ḳhwáhishoṉ meṉ zindagí guzárte, aur jism aur ʻaql ke iráde púre karte the, aur dúsroṉ kí mánind tabaʻí taur par gazab ke farzand the: — 4magar Ḳhudá ne apne rahm kí daulat se, us baṛí mahabbat ke sabab, jo us ne ham se kí, 5jab qusúroṉ ke sabab murda hí the, to ham ko Masíh ke sáth zinda kiyá, (tum ko fazl hí se naját milí hai,) 6aur Masíh Yisúʻ meṉ shámil karke us ke sáth jiláyá, aur ásmání maqámoṉ par us ke sáth biṭháyá; 7táki wuh apní us mihrbání se, jo Masíh Yisúʻ meṉ ham par hai, ánewále zamánoṉ meṉ apne fazl kí beniháyat daulat dikháe: 8kyúṉki tum ko ímán ke wasíle fazl hí se naját milí hai: aur yih tumhárí taraf se nahíṉ: Ḳhudá ki baḳhshish hai: 9aur na aʻmál ke sabab se hai, táki koí faḳhr na kare. 10Kyúṉ-ki ham usí kí karígarí haiṉ, aur Masíh Yisúʻ meṉ un nek ʻamál ke wáste maḳhlúq húe, jin ko Ḳhudá ne pahle se hamáre karne ke liye taiyár kiyá thá.

11Pas yád karo, ki tum jo jism ke rú se gairqaumwále ho — aur wuh log jo jism meṉ háth se kiye húe ḳhatne ke sabab maḳhtún kahláte haiṉ, tum ko námaḳhtún kahte haiṉ — 12agle zamáne meṉ Masíh se judá, aur Isráíl kí saltanat se ḳhárij, aur waʻde ke ʻahdoṉ se náwáqif, aur náummed, aur dunyá meṉ Ḳhudá se ʻaláhida the. 13Magar tum jo pahle dúr the, ab Masíh Yisúʻ meṉ Masíh ke ḳhún ke sabab se nazdík ho gaye ho. 14Kyúṉki wuhí hamárí sulh hai, jis ne donoṉ ko ek kar liyá, aur judáí kí díwár ko jo bích meṉ thí, ḍhá diyá; 15chunáṉchi us ne apne jism ke zaríʻe se dushmaní, yaʻní wuh sharíʻat jis ke hukm zábitoṉ ke taur par the, mauqúf kar dí; táki donoṉ se apne áp meṉ ek nayá insán paidá karke sulh kará de; 16aur salíb par dushmaní ko miṭákar, aur us ke sabab se donoṉ ko ek tan banákar, Ḳhudá se miláe; 17aur us ne ákar, tumheṉ jo dúr the, aur unheṉ jo nazdík the, donoṉ ko sulh kí ḳhushḳhabarí dí: 18kyúṉki us hí ke wasíle se ham donoṉ kí ek hí Rúh meṉ Báp ke pás rasáí hotí hai. 19Pas ab tum pardesí aur musáfir nahíṉ rahe, balki muqaddasoṉ ke hamwatan aur Ḳhudá ke gharáne ke ho gaye, 20aur rasúloṉ aur nabíoṉ kí neo par, jis ke kone ke sire ká patthar ḳhud Masíh Yisúʻ hai, taʻmír kiye gaye ho; 21usí meṉ har ek ʻimárat mil milákar Ḳhudáwand meṉ ek pák maqdis bantí játí hai; 22aur tum bhí us meṉ báham taʻmír kiye játe ho, táki Rúh meṉ Ḳhudá ká maskan bano.

 

Yúhanná kí Injíl 1 ;7 Is liye ki sharíʻat to Músá kí maʻrifat dí gayí; magar fazl aur sachcháí Yisúʻ Masíh kí maʻrífat pahuṉchi. 

 

Galatíoṉ 5;4 Tum jo sharíʻat ke wasíle se rástbáz ṭhahrná cháhte ho, Masíh se alag ho gaye, aur fazl se mahrúm. 5 Kyúṉki ham Rúh ke báʻis ímán se rástbází kí ummed bar áne ke muntazir haiṉ.