APNE DIL KO KHUB HIFAZT KAR KYU KI ZINDGHI KA SIR CHASHMA WUHI HAI

 

Focus

Zabúr 119:10 (URDR55)

Maiṉ púre dil se terá tálib húá húṉ:,Mujhe apne farmán se bhaṭakne na de.,

Amsál 4:4 (URDR55)

Báp ne mujhe sikháyá aur mujh se kahá,,Merí báteṉ tere dil meṉ raheṉ;,Mere farmán bajá lá, aur zinda rah:

 

Aiyúb 33:3 (URDR55)

Merí báteṉ mere dil kí rástbází ko záhir kareṉgí:,Aur mere lab jo kuchh jánte haiṉ, usí ko sachcháí se kaheṉge.,

Wá‘iz 11:10 (URDR55)

Pas g̣am ko apne dil se dúr kar, aur badí apne jism se nikál ḍál; kyúṉki laṛakpan aur jawání donoṉ bátil haiṉ.

 

 

II KURINTHÍOṈ 3

; 15 Magar áj tak jab kábhí Músá kí kitáb paṛhí játí hai, to un ke dil par parda paṛá rahtá hai. 16Lekin jab kabhí un ká dil Ḳhudáwand kí taraf phiregá, to wuh parda uth jáegá. 17Aur wuh Ḳhudáwand Rúh hai: aur jaháṉ kahíṉ Ḳhudáwand kí Rúh hai, waháṉ ázádí hai. 18Magar jab ham sab ke beniqáb chihroṉ se Ḳhudáwand ká jalál is tarah munʻakis hotá hai, jis tarah áíne meṉ, to us Ḳhudáwand ke wasíle se jo Rúh hai, ham usí jalálí súrat meṉ darja ba darja badalte játe haiṉ.

ʻIbrá Níoṉ 3:12 (URDR55)

Ai bháiyo, ḳhabardár, tum meṉ se kisí ká aisá burá aur beímán dil na ho, jo zinda Ḳhudá se phir jáe:

 

AMSÁL 7

1Ai mere beṭe, merí bátoṉ ko mán,

Aur mere farmán ko nigáh meṉ rakh.

2Mere farmán ko bajá lá, aur zinda rah;

Aur merí ta‘lím ko apní áṉkh kí putlí ján.

3Un ko apní ungliyoṉ par báṉdh le;

Un ko apne dil kí taḳhtí par likh le.

4Hikmat se kah, Tú merí bahin hai;

Aur fahm ko apná rishtadár qarár de:

5Táki wuh tujh ko paráí ‘aurat se bacháeṉ,

Ya‘ní begána ‘aurat se jo cháplúsí kí báteṉ kartí hai.

6Kyúṉki maiṉ ne apne ghar kí khiṛkí se

Ya‘ní jharoke meṉ se báhar nigáh kí;

7Aur maiṉ ne ek be‘aql jawán ko

Nádánoṉ ke darmiyán dekhá,

Ya‘ní naujawánoṉ ke darmiyán wuh mujhe nazar áyá,

8Ki us ‘aurat ke ghar ke pás galí ke moṛ se já rahá hai,

Aur us ne us ke ghar ká rásta liyá;

9Din chhipe shám ke waqt,

Rát ke andhere aur táríkí meṉ

10Aur dekho, waháṉ us se ek ‘aurat á milí,

Jo dil kí chálák aur kasbí ká libás pahine thí.

11Wuh g̣aug̣áí aur ḳhudsar hai,

Us ke páṉw apne ghar meṉ nahíṉ ṭikte:

12Abhí wuh kúchoṉ meṉ hai, abhí bázároṉ meṉ,

Aur har moṛ par ghát meṉ baiṭhtí hai.

13So us ne us ko pakaṛkar chúmá,

Aur behayá muṉh se us se kahne lagí:

14Salámatí kí qurbání ke zabíhe mujh par farz the;

Áj maiṉ ne apní nazreṉ adá ki haiṉ.

15Isí liye maiṉ terí muláqát ko niklí,

Ki kisí tarah terá dídár hásil karúṉ: so tú mujhe mil gayá.

16Maiṉ ne apne palang par kámdár g̣álíche,

Aur Misr ke sút ke dhárídár kapṛe bichháe haiṉ.

17Maiṉ ne apne bistar ko murr aur ‘úd

Aur dárchíní se mu‘attar kiyá hai.

18Á, ham subh tak dil bharkar ‘ishqbází kareṉ;

Aur mahabbat kí bátoṉ se dil bahláeṉ.

19Kyúṉki merá shauhar ghar meṉ nahíṉ,

Us ne dúr ká safar kiyá hai:

20Wuh apne sáth rupaye kí thailí le gayá hai;

Aur púre chánd ke waqt ghar áegá.

21Us ne míṭhí míṭhí bátoṉ se us ko phuslá liyá,

Aur apne laboṉ kí cháplúsí se us ko bahká liyá.

22Wuh fauran us ke píchhe ho liyá,

Jaise bail zabh hone ko játá hai,

Yá beṛiyoṉ meṉ ahmaq sazá páne ko:

23Jaise paranda jál kí taraf tez játá hai,

Aur nahíṉ jántá ki wuh us kí ján ke liye hai,

Hatta ki tír us ke jigar ke par ho jáegá.

24So ab, ai beṭo, merí suno,

Aur mere muṉh kí bátoṉ par tawajjuh karo.

25Terá dil us kí ráhoṉ kí taraf máil na ho,

Tú us ke rástoṉ meṉ gumráh na honá.

26Kyúṉki us ne bahutoṉ ko zaḳhmí karke girá diyá hai:

Balki us ke maqtúl beshumár haiṉ.

27Us ká ghar pátál ká rásta hai,

Aur maut kí koṭhriyoṉ ko játá hai.

 

Wá‘iz 10:2 (URDR55)

Dánishwar ká dil us ke dahine háth hai; par ahmaq ká dil us kí báíṉ taraf.

 

Amsál 3:5 (URDR55)

Sáre dil se ḲHUDÁWAND par tawakkul kar,,Aur apne fahm par takya na kar:,

 

MARQUS KÍ INJÍL 7

; 21 Kyúṉki andar se, yaʻni ádmí ke dil se, bure ḳhayál, harámkáríáṉ, 22choriyáṉ, ḳhúnrezíáṉ, zinákáríáṉ, lálach, badíáṉ, makr, shahwatparastí, badnazarí, badgoí, sheḳhí, bewuqúfí nikaltí hai;

Lúqá kí Injíl 12:34 URDR55

Kyúṉki jaháṉ tumhárá ḳhazána hai, wahíṉ tumhárá dil bhí lagá rahegá.

Istisná 30:6 (URDR55)

Aur ḲHUDÁWAND tumhárá Ḳhudá tumháre aur tumhárí aulád ke dil ká ḳhatna karegá, táki tum ḲHUDÁWAND apne Ḳhudá se apne sáre dil aur apní sárí ján se mahabbat rakkho, aur jíte raho.

 

 

Matí kí Injíl 22:37 (URDR55)

Us ne us se kahá, ki Ḳhudáwand apne Ḳhudá se apne sáre dil, aur apní sárí ján, aur apní sárí ʻaql se mahabbat rakh.

Amsál 26:24 (URDR55)

Kínawar dil meṉ dag̣á rakhtá hai,,Lekin apní bátoṉ se chhipátá hai.,

 

Yarmiyáh 17:9 (URDR55)

Dil sab chízoṉ se ziyáda hílabáz aur lá‘iláj hai: us ko kaun daryáft kar saktá hai?

 

Amsál 7:25 (URDR55)

Terá dil us kí ráhoṉ kí taraf máil na ho,,Tú us ke rástoṉ meṉ gumráh na honá.,

 

Amsál 4:23 (URDR55)

Apne dil kí ḳhúb hifázat kar;,Kyúṉki zindagí ká sarchashma wuhí hai.,

Zabúr 40:8 (URDR55)

Ai mere Ḳhudá, merí ḳhushí terí marzí púrí karne meṉ hai,,Balki terí sharí‘at mere dil meṉ hai.,

 

 

I Salátín 11:4 (URDR55)

Kyúṉki jab Sulaimán buḍḍhá ho gayá, to us kí bíwiyoṉ ne us ke dil ko g̣airma‘búdoṉ kí taraf máil kar liyá; aur us ká dil ḲHUDÁWAND apne Ḳhudá ke sáth kámil na rahá, jaisá us ke báp Dáúd ká dil thá.

Romíoṉ 10:10 (URDR55)

Kyúṉki rástbází ke liye ímán láná dil se hotá hai; aur naját ke liye iqrár muṉh se kiyá játá hai.

Zabúr 104:15 (URDR55)

Aur mai jo insán ke dil ko ḳhush kartí hai,,Aur raug̣an jo us ke chihre ko chamkátá hai,,Aur roṭí jo ádmí ke dil ko tawánáí baḳhshtí hai.,

 

 

 

 

Hizqíel 36:26 (URDR55)

Aur maiṉ tum ko nayá dil baḳhshúṉgá, aur nayí rúh tumháre bátin meṉ ḍálúṉgá, aur tumháre jism meṉ se saṉgín dil ko nikál ḍálúṉgá, aur goshtín dil tum ko ‘ináyat karúṉgá.

Hizqíel 11:19 (URDR55)

Aur maiṉ un ko nayá dil dúṉgá, aur nayí rúh tumháre bátin meṉ ḍálúṉgá, aur saṉgín dil un ke jism se ḳhárij kar dúṉgá, aur un ko goshtín dil ‘ináyat karúṉgá:

 

Zabúr 51:10 (URDR55)

Ai Ḳhudá, mere andar pák dil paidá kar,,Aur mere bátin meṉ az sar i nau mustaqím rúh ḍál.,

 

II KURINTHÍOṈ 3

;3 záhir hai, ki tum Masíh ká wuh ḳhatt ho, jo ham ne ḳhádimoṉ ke taur par likhá; siyáhí se nahíṉ, balki zinda Ḳhudá kí Rúh se; patthar kí taḳhtíoṉ par nahíṉ, balki gosht kí, yáʻní dil kí taḳhtíoṉ par.

 

Yarmiyáh 29:13 (URDR55)

Aur tum mujhe ḍhúṉḍhoge, aur páoge, jab púre dil se mere tálib hoge.

Yarmiyáh 24:7 (URDR55)

Aur maiṉ un ko aisá dil dúṉgá, ki mujhe pahcháneṉ, ki maiṉ ḲHUDÁWAND húṉ: aur wuh mere log hoṉge, aur maiṉ un ká Ḳhudá húṉgá: is liye ki wuh púre dil se merí taraf phireṉge.

 

Ab talib ka  mtlb jo mera pyaasa hai jo mujhe pane ki chahat khawahish rakhta hai

 

Zabúr 107:12 (URDR55)

Is liye us ne un ká dil mashaqqat se ‘ájiz kar diyá,,Wuh gir paṛe aur koí madadgár na thá.,

 

 

YÚHANNÁ KÍ INJÍL 4

; 14 magar jo koí us pání meṉ se píegá jo maiṉ use dúṉgá, wuh abad tak piyásá na hogá; balki jo pání maiṉ use dúṉgá, wuh us meṉ ek chashma ban jáegá, jo hamesha kí zindagí ke liye járí rahegá.

 

MATÍ KÍ INJÍL 7

7 Máṉgo, to tumheṉ diyá jáegá; ḍhúṉḍho, to páoge; darwáza khaṭkhaṭáo, to tumháre wáste kholá jáegá;

YÚHANNÁ KÍ INJÍL 14

 ; 13 Aur jo kuchh tum mere nám se cháhoge, maiṉ wuhí karúṉgá, táki Báp Beṭe meṉ jalál páe. 14Agar mere nám se mujh se kuchh cháhoge, to maiṉ wuhí karúṉgá. 15 Agar tum mujh se mahabbat rakhte ho, to mere hukmoṉ par ʻamal karoge;

 

Matí kí Injíl 11:29 (URDR55)

Merá júá apne úpar uṭhá lo, aur mujh se síkho; kyúṉki maiṉ halím húṉ, aur dil ká firotan; to tumhárí jáneṉ árám páeṉgi.

 

Ab magna kya hai  ?

 26 Lekin Madadgár, yaʻní Rúhuʼl Quds, jise Báp mere nám se bhejegá, wuhí tumheṉ sab báteṉ sikháegá, aur jo kuchh maiṉ ne tum se kahá hai, wuh sab tumheṉ yád diláegá

16 aur maiṉ Báp se darḳhwást karúṉgá, to wuh tumheṉ dúsrá Madadgár baḳhshegá, ki abad tak tumháre sath rahe, 17yaʻní sachcháí kí Rúh, jise dunyá hásil nahíṉ kar saktí, kyúṉki na use dekhtí, aur na jántí hai: tum use jánte ho; kyúṉki wuh tumháre sáth rahtí hai, aur tumháre andar hogí. .

YÚHANNÁ KÍ INJÍL 10

; 9 Darwáza maiṉ húṉ: agar koí mujh se dáḳhil ho, to naját páegá, aur andar báhar áyá jáyá karegá, aur chárá páegá.

 

 

Matí kí Injíl 11:29 (URDR55)

Merá júá apne úpar uṭhá lo, aur mujh se síkho; kyúṉki maiṉ halím húṉ, aur dil ká firotan; to tumhárí jáneṉ árám páeṉgi.

 

 

Zabúr 37:4 (URDR55)

ḲHUDÁWAND meṉ masrúr rah,,Aur wuh tere dil kí murádeṉ púrí karegá.,

 

 

Matí kí Injíl 6:21 (URDR55)

kyúṉki jaháṉ terá mál hai, wahíṉ terá dil bhí lagá rahegá.

Amsál 23:15 (URDR55)

Ai mere beṭe, agar tú dánádil hai,,To merá dil, háṉ, merá dil ḳhush hogá.,

Yasa‘iyáh 26:3 (URDR55)

Jis ká dil qáim hai, tú use salámat rakkhegá; kyúṉki us ká tawakkul tujh par hai.

 

Amsál 16:9 (URDR55)

Ádmí ká dil apní ráh ṭhahrátá hai:,Par ḲHUDÁWAND us ke qadamoṉ kí rahnumáí kartá hai.,

 

Zabúr 27:14 (URDR55)

ḲHUDÁWAND kí ás rakh:,Mazbút ho aur terá dil qawí ho;,Háṉ, ḲHUDÁWAND hí kí ás rakh.

 

Zabúr 139:23 (URDR55)

Ai Ḳhudá, tú mujhe jáṉch aur mere dil ko pahchán:,Mujhe ázmá aur mere ḳhayáloṉ ko ján le:,

 

Amsál 10:20 (URDR55)

Sádiq kí zabán ḳhális chándí hai:,Sharíroṉ ke dil beqadr haiṉ.,

 

Zabúr 119:36 (URDR55)

Mere dil ko apní shahádatoṉ kí taraf rujú‘ dilá,,Na ki lálach kí taraf.,

 

I Tímuthiyus 3:9 (URDR55)

 8Isí tarah ḳhádimoṉ ko bhí sanjída honá cháhiye; dozabán, aur sharábí, aur nájáiz nafaʻ ke lálchí na hoṉ; 9aur ímán ke bhed ko pák dil meṉ hifázat se rakkheṉ. 10Aur yih bhí pahle ázmáe jáeṉ, is ke baʻd agar beilzám ṭhahreṉ, to ḳhidmat ká kám kareṉ.

 

Amsál 15:7 (URDR55)

Dánáoṉ ke lab ‘ilm phailáte haiṉ:,Par ahmaqoṉ ke dil aise nahíṉ.,

Amsál 14:13 (URDR55)

Haṉsne meṉ bhí dil g̣amgín hai:,Aur shádmání ká anjám g̣am hai.,

 

Amsál 14:30 (URDR55)

Mutma‘inn dil jism kí ján hai:,Lekin hasad haḍḍiyoṉ kí bosídagí hai.,

 

Zabúr 131:2 (URDR55)

Yaqínan maiṉ ne apne dil ko taskín dekar mutma’inn kar diyá hai;,Merá dil mujh meṉ dúdh chhuṛáe húe bachche kí mánind hai,,Háṉ, jaise dúdh chhuṛáyá húá bachcha máṉ kí god meṉ.,

 

ʻIbrá Níoṉ 10:22 (URDR55)

to áo, ham sachche dil aur púre ímán ke sáth, aur dil ke ilzám ko dúr karne ke liye diloṉ par chhíṉṭe lekar, aur badan ko sáf pání se dhulwákar, Ḳhudá ke pás chaleṉ:

 

Amsál 2:2 (URDR55)

Aisá ki tú hikmat kí taraf kán lagáe,,Aur fahm se dil lagáe;,

Amsál 23:16 (URDR55)

Aur jab tere laboṉ se sachchí báteṉ nikleṉgí,To merá dil shádmán hogá.,

 

Amsál 23:19 (URDR55)

Ai mere beṭe, tú sun aur dáná ban,,Aur apne dil kí rahbarí kar.,

 

Lúqá kí Injíl 6:45 (URDR55)

Achchhá ádmí apne dil ke achchhe ḳhazáne se achchhí chízeṉ nikáltá hai, aur burá ádmí bure ḳhazáne se burí chízeṉ nikáltá hai; kyúṉki jo dil meṉ bhará hai, wuhí us ke muṉh par átá hai.,

 

Amsál 15:13 (URDR55)

Ḳhushdilí ḳhandarúí paidá kartí hai:,Par dil kí g̣amgíní se insán shikastaḳhátir hotá hai.,

 

Zabúr 119:112 (URDR55)

Maiṉ ne hamesha ke liye,Tere áín mánne par dil lagáyá hai.,

Amsál 14:14 (URDR55)

Bargashta dil apní rawish ká ajr pátá hai:,Aur nek ádmí apne kám ká.,

 

Wá‘iz 7:3 (URDR55)

G̣amgíní haṉsí se bihtar hai; kyúṉki chihre kí udásí se dil sudhar játá hai.

 

Amsál 2:10 (URDR55)

Kyúṉki hikmat tere dil meṉ dáḳhil hogí,,Aur ‘ilm terí ján ko marg̣úb hogá;,

 

Yúhanná kí Injíl 14:1 (URDR55)

Tumhárá dil na ghabráe; tum Ḳhudá par ímán rakhte ho, mujh par bhí ímán rakkho.

 

Yúhanná kí Injíl 14:27 (URDR55)

Maiṉ tumheṉ itmínán diye játá húṉ; apná itmínán tumheṉ detá húṉ: jis tarah dunyá detí hai, maiṉ tumheṉ us tarah nahíṉ detá. Tumhárá dil na ghabráe aur na ḍare.

 

Ḳhurúj 10:1 (URDR55)

Aur ḲHUDÁWAND ne Músá se kahá, ki Fir‘aun ke pás já: kyúṉki maiṉ hí ne us ke dil, aur us ke naukaroṉ ke dil ko saḳht kar diyá hai, táki maiṉ apne yih nishán un ke bích dikháúṉ;

 

Romíoṉ 10:9 (URDR55)

ki agar tú apní zabán se Yisúʻ ke Ḳhudáwand hone ká iqrár kare, aur apne dil se ímán láe, ki Ḳhudá ne use murdoṉ meṉ se jiláyá, to naját páegá.

 

Amsál 15:28 (URDR55)

Sádiq ká dil sochkar jawáb detá hai:,Par sharíroṉ ká muṉh burí báteṉ ugaltá hai.,

 

 

Amsál 16:1 (URDR55)

Dil kí tadbíreṉ insán se haiṉ:,Lekin zabán ká jawáb ḲHUDÁWAND kí taraf se hai.,

 

Amsál 12:25 (URDR55)

Ádmí ká dil fikrmandí se dab játá hai;,Lekin achchhí bát se ḳhush hotá hai.,

 

Amsál 15:30 (URDR55)

Áṉkhoṉ ká núr dil ko ḳhush kartá hai;,Aur ḳhushḳhabarí haḍḍiyoṉ meṉ farbihí paidá kartí hai.,

 

Amsál 18:15 (URDR55)

Hoshyár ká dil ‘ilm hásil kartá hai,,Aur dáná ke kán ‘ilm ke tálib haiṉ.,

 

Amsál 12:23 (URDR55)

Hoshyár ádmí ‘ilm ko chhipátá hai:,Lekin ahmaq ká dil hamáqat kí manádí kartá hai.,

 

Zabúr 88:3 (URDR55)

Kyúṉki merá dil dukhoṉ se bhará hai,,Aur merí ján pátál ke nazdík pahuṉch gayí hai.,

Zabúr 102:4 (URDR55)

Merá dil ghás kí tarah jhulaskar súkh gayá,,Kyúṉki maiṉ apní roṭí kháná bhúl játá húṉ.,

Zabúr 109:22 (URDR55)

Is liye ki maiṉ g̣aríb aur muhtáj húṉ,,Aur merá dil mere pahlú meṉ zaḳhmí hai.,

 

Matí kí Injíl 5:3 (URDR55)

Mubárak haiṉ wuh jo dil ke garíb haiṉ, kyúṉki ásmán kí bádsháhat unhíṉ kí hai.,

 

Wá‘iz 1:16 (URDR55)

Maiṉ ne yih bát apne dil meṉ kahí. Dekh, maiṉ ne baṛí taraqqí kí, balki un sabhoṉ se jo mujh se pahle Yarúshalem meṉ the ziyáda hikmat hásil kí; háṉ, merá dil hikmat aur dánish meṉ baṛá kárdán húá.

 

Amsál 20:30 (URDR55)

Koṛoṉ ke zaḳhm se badí dúr hotí hai,,Aur már kháne se dil sáf hotá hai.

 

YASA‘IYÁH 53

; 5 Háláṉki wuh hamárí ḳhatáoṉ ke sabab se gháyal kiyá gayá, aur hamárí badkirdárí ke bá‘is kuchlá gayá: hamárí hí salámatí ke liye us par siyasat húí; táki us ke már kháne se ham shifá páeṉ. 6Ham sab bheṛoṉ kí mánind bhaṭak gaye; ham meṉ se har ek apní ráh ko phirá; par ḲHUDÁWAND ne ham sab kí badkirdárí us par ládí.

Amsál 27:19 (URDR55)

Jis tarah pání meṉ chihra chihre se mushábih hai,,Usí tarah ádmí ká dil ádmí se.,

 

Zabúr 31:12 (URDR55)

Maiṉ murde kí mánind dil se bhulá diyá gayá húṉ:,Main ṭúṭe bartan kí mánind húṉ.,

Amsál 23:26 (URDR55)

Ai mere beṭe, apná dil mujh ko de,,Aur merí ráhoṉ se terí áṉkheṉ ḳhush hoṉ.,

 

Zabúr 112:7 (URDR55)

Wuh burí ḳhabar se na ḍaregá:, ḲHUDÁWAND par tawakkul karne se us ká dil qáim hai.,

 

Zabúr 119:7 (URDR55)

Jab maiṉ terí sadáqat ke ahkám síkh lúṉgá,To sachche dil se terá shukr adá karúṉgá.,

 

ZABÚR 15

Dáúd ká Mazmúr.

1Ai ḲHUDÁWAND, tere ḳhaime meṉ kaun rahegá?

Tere koh i muqaddas par kaun sukúnat karegá?

2Wuh jo rástí se chaltá aur sadáqat ká kám kartá,

Aur dil se sach boltá hai.

3Wuh jo apní zabán se buhtán nahíṉ báṉdhtá,

Aur apne dost se badí nahíṉ kartá,

Aur apne hamsáye kí badnámí nahíṉ suntá.

4Wuh jis kí nazar meṉ razíl ádmí haqír hai,

Par jo ḲHUDÁWAND se ḍarte haiṉ un kí ‘izzat kartá hai;

Wuh jo qasam khákar badaltá nahíṉ, ḳhwáh nuqsán hí uṭháe.

 

Amsál 29:23 (URDR55)

Ádmí ká g̣urúr us ko past karegá;,Lekin jo dil se firotan hai ‘izzat hásil karegá.,

 

I Samúel 6:6 (URDR55)

Tum kyúṉ apne dil ko saḳht karte ho, jaise Misríoṉ ne aur Fir‘aun ne apne dil ko saḳht kiyá? jab us ne un ke darmiyán ‘ajíb kám kiye, to kyá unhoṉ ne logoṉ ko jáne na diyá, aur kyá wuh chale na gaye?

 

Amsál 14:33 (URDR55)

Hikmat ‘aqlmand ke dil meṉ qáim rahtí hai:,Par ahmaqoṉ ká dilí ráz fásh ho játá hai.,

 

Zabúr 51:17 (URDR55)

Shikasta rúh Ḳhudá kí qurbání hai,,Ai Ḳhudá, tú shikasta aur ḳhasta dil ko haqír na jánegá.,

 

Matí kí Injíl 15:8 (URDR55)

Yih ummat zabán se to merí ʻizzat kartí hai; magar in ká dil mujh se dúr hai.,

 

Lúqá kí Injíl 21:14 (URDR55)

Pas apne dil meṉ ṭhán rakkho, ki ham pahle se fikr na kareṉge, ki kyá jawáb deṉ.

15Kyúṉki maiṉ tumheṉ aisí zabán aur hikmat dúṉgá, ki tumhárá koí muḳhálif sámná karne yá ḳhiláf kahne ká maqdúr na rakkhegá. 

 19Apne sabr se tum apní jáneṉ bacháe rakkhoge.

II Kurinthíoṉ 11:29 (URDR55)

Kis kí kamzorí se maiṉ kamzor nahíṉ hotá? Kis ke ṭhokar kháne se merá díl nahíṉ dúkhtá?

 

Zabúr 9:1 (URDR55)

Maiṉ apne púre dil se ḲHUDÁWAND kí shukrguzárí karúṉgá:,Maiṉ tere sab ‘ajíb kámoṉ ká bayán karúṉgá.,

 

I Tímuthiyus 1:5 (URDR55)

Hukm ká maqsad yih hai, ki pák dil aur nek níyat aur beriyá ímán se mahabbat paidá ho.

 

Zabúr 119:2 (URDR55)

Mubárak haiṉ wuh jo us kí shahádatoṉ ko mánte haiṉ,,Aur púre dil se us ke tálib haiṉ.,

Zabúr 119:11 (URDR55)

Maiṉ ne tere kalám ko apne dil meṉ rakh liyá hai,,Táki maiṉ tere ḳhiláf gunáh na karúṉ.,

 

Amsál 20:5 (URDR55)

Ádmí ke dil kí bát gahre pání kí mánind hai:,Lekin sáhib i fahm ádmí use kheṉch nikálegá.,

 

Zabúr 22:26 (URDR55)

Halím kháeṉge aur ser hoṉge:, ḲHUDÁWAND ke tálib us kí sitáish kareṉge:,Tumhárá dil abad tak zinda rahe.,

 

Amsál 16:5 (URDR55)

Har ek se jis ke dil meṉ g̣urúr hai ḲHUDÁWAND ko nafrat hai:,Yaqínan wuh besazá na chhúṭegá.,

 

Amsál 16:23 (URDR55)

Dáná ká dil us ke muṉh kí tarbiyat kartá hai,,Aur us ke laboṉ ko ‘ilm baḳhshtá hai.,

 

Zabúr 40:8 (URDR55)

Ai mere Ḳhudá, merí ḳhushí terí marzí púrí karne meṉ hai,,Balki terí sharí‘at mere dil meṉ hai.,

 

MATÍ KÍ INJÍL 3

; 17  Aur dekho, ásmán se yih áwáz áí, ki Yih merá piyárá Beṭá hai, jis se maiṉ ḳhush húṉ.

 ROMÍOṈ 8

; 14 Is liye ki jitne Ḳhudá kí Rúh kí hidáyat se chalte haiṉ, wuhí Ḳhudá ke beṭe haiṉ. 

Amsál 12:20 (URDR55)

Badí ke mansúbe báṉdhnewaloṉ ke dil meṉ dag̣á hai:,Lekin sulh kí mashwarat denewáloṉ ke liye ḳhushí hai.,

 

I Kurinthíoṉ 2:9 (URDR55)

balki jaisá likhá hai, waisá hí húá, ki,Jo chízeṉ na áṉkhoṉ ne dekhíṉ, na kánoṉ ne suníṉ,,Na ádmí ke dil meṉ áíṉ,,Wuh sab Ḳhudá ne apne mahabbat rakhnewáloṉ ke liye taiyár kar díṉ

 

Wá‘iz 8:5 (URDR55)

Jo koí hukm mántá hai, buráí ko na dekhegá; aur dánishmand ká dil mauqa‘ aur insáf ko samajhtá hai.

 Zabúr 139:13 (URDR55)

Kyúṉki mere dil ko tú hí ne banáyá:,Merí máṉ ke peṭ meṉ tú hí ne mujhe súrat baḳhshí.,

 

Zabúr 86:12 (URDR55)

Yá Rabb, mere Ḳhudá, maiṉ púre dil se terí ta‘ríf karúṉgá:,Maiṉ abad tak tere nám kí tamjíd karúṉgá.,

 

Aiyúb 17:4 (URDR55)

Kyúṉki tú ne in ke dil ko samajh se roká hai;,Is liye tú in ko sarfaráz na karegá.,

 

Aʻmál 15:9 (URDR55)

aur ímán ke wasíle se un ke dil pák karke, ham meṉ aur un meṉ kuchh farq na rakkhá.

 

Zabúr 16:7 (URDR55)

Maiṉ ḲHUDÁWAND kí hamd karúṉgá jis ne mujhe nasíhat dí hai;,Balki merá dil rát ko merí tarbiyat kartá hai.,

 

Zabúr 16:9 (URDR55)

Isí sabab se merá dil ḳhush aur merí rúh shádmán hai:,Merá jism bhí amn o amán meṉ rahegá.,

I Kurinthíoṉ 4:4 (URDR55)

Kyúṉki merá dil to mujhe malámat nahíṉ kartá; magar is se maiṉ rástbáz nahíṉ ṭhahrtá: balki merá parakhnewálá Ḳhudáwand hai.

 

Amsál 27:11 (URDR55)

Ai mere beṭe, dáná ban, aur mere dil ko shád kar,,Táki maiṉ apne malámat karnewále ko jawáb de sakúṉ.,

 

Romíoṉ 10:1 (URDR55)

Ai bháiyo, mere dil kí árzú, aur un ke liye Ḳhudá se merí duʻá yih hai, ki wuh naját páeṉ.

 

Zabúr 32:2 (URDR55)

Mubárak hai wuh ádmí jis kí badkárí ko ḲHUDÁWAND hisáb meṉ nahíṉ látá,,Aur jis ke dil meṉ makr nahíṉ.,

Matí kí Injíl 13:15 (URDR55)

Kyúṉki is ummat ke dil par charbí chhá gayí hai,,Aur wuh kánoṉ se úṉchá sunte haiṉ,,Aur unhoṉ ne apní áṉkheṉ band kar lí haiṉ;,Kahíṉ aisá na ho, ki áṉkhoṉ se maʻlúm kareṉ,,Aur kánoṉ se suneṉ,,Aur dil se samjheṉ,,Aur rujúʻ láeṉ,,Aur maiṉ unheṉ shifá baḳhshúṉ.,

 

I Kurinthíoṉ 8:12 (URDR55)

aur tum is tarah bháiyoṉ ke gunahgár hokar, aur un ke kamzor dil ko gháyal karke Masíh ke gunahgár ṭhahrte ho.

 

Amsál 21:1 (URDR55)

Bádsháh ká dil ḲHUDÁWAND ke háth meṉ hai,,Wuh us ko pání ke náloṉ kí mánind jidhar cháhtá hai phertá hai.,

 

Istisná 30:14 (URDR55)

Balki wuh kalám tumháre bahut nazdík hai; wuh tumháre muṉh meṉ aur tumháre dil meṉ hai, táki tum us par ‘amal karo.,

 

Amsál 28:25 (URDR55)

Jis ke dil meṉ lálach hai wuh jhagṛá barpá kartá hai;,Lekin jis ká tawakkul ḲHUDÁWAND par hai wuh farbih kiyá jáegá.,

 

Zabúr 62:8 (URDR55)

Ai logo, har waqt us par tawakkul karo:,Apne dil ká hál us ke sámne khol do: (Siláh.),Ḳhudá hamárí panáhgáh hai.,

 

Zabúr 14:1 (URDR55)

Ahmaq ne apne dil meṉ kahá hai, ki Koí Ḳhudá nahíṉ:,Wuh bigaṛ gaye, unhoṉ ne nafratangez kám kiye haiṉ:,Koí nekokár nahíṉ.,