4Tab sáṉp ne ‘aurat se kahá, ki Tum hargiz na maroge: 5balki Ḳhudá jántá hai, ki jis din tum use kháoge, tumhárí áṉkheṉ khul jáeṉgí,
6‘Aurat ne jo dekhá, ki wuh daraḳht kháne ke liye achchhá, aur áṉkhoṉ ko ḳhushnumá ma‘lúm hotá hai,
to us ke phal meṉ se liyá, aur kháyá; aur apne shauhar ko bhí diyá, aur us ne kháyá. 7Tab donoṉ kí áṉkheṉ khul gayíṉ, aur un ko ma‘lúm húá ki wuh nange haiṉ;
Yúhanná 9:39 (URDR55)
Yisúʻ ne kahá; Maiṉ dunyá meṉ ʻadálat ke liye áyá húṉ, táki jo nahíṉ dekhte wuh dekheṉ, aṉr jo dekhte haiṉ wuh andhe ho jáeṉ.
Matí 13:13 (URDR55)
Maiṉ un se tamsíloṉ meṉ is liye báteṉ kartá húṉ, ki dekhte haiṉ aur phir nahíṉ dekhte, aur sunte haiṉ aur phir nahíṉ sunte, aur nahíṉ samajhte.
Zabúr 135:16 (URDR55)
Un ke muṉh haiṉ, par wuh bolte nahíṉ; Áṉkheṉ haiṉ, par wuh dekhte nahíṉ;
Yúhanná 14:19 (URDR55)
Thoṛí der báqí hai, ki dunyá mujhe phir na dekhegí; magar tum mujhe dekhte rahoge: chúṉki maiṉ jítá húṉ, tum bhí jíte rahoge.
1 YÚHANNÁ 2
; 15 Na dunyá se mahabbat rakkho, na un chízoṉ se jo dunyá meṉ haiṉ. Jo koí dunyá se mahabbat rakhtá hai, us meṉ Báp kí mahabbat nahíṉ. 16Kyúṉki jo kuchh dunyá meṉ hai, yaʻní jism kí ḳhwáhish, aur áṉkhoṉ kí ḳhwáhish, aur zindagí kí sheḳhí, wuh Báp kí taraf se nahíṉ, balki dunyá kí taraf se hai.
AMSÁL 27
; 20 Jis tarah pátál aur halákat ko ásúdagí nahíṉ,
Usí tarah insán kí áṉkheṉ ser nahíṉ hotíṉ.
MATÍ 5
; 27 Tum sun chuke ho ki kahá gayá thá, ki Ziná na kar; 28lekin maiṉ tum se yih kahtá húṉ, ki jis kisí ne burí ḳhwáhish se kisí ʻaurat par nigáh kí, wuh apne dil meṉ us ke sáth ziná kar chuká.
AMSÁL 6
; 25 Tú apne dil meṉ us ke husn par ‘áshiq na ho;
Aur wuh tujh ko apní palakoṉ se shikár na kare.
AIYÚB 31
1Maiṉ ne apní áṉkhoṉ se ‘ahd kiyá hai,
Phir maiṉ kisí kuṉwárí par kyúṉkar nazar karúṉ?
YAʻQÚB 1
; 14 háṉ, har shaḳhs apní hí ḳhwáhishoṉ meṉ khiṉchkar aur phaṉskar ázmáyá játá hai. 15Phir ḳhwáhish hámila hokar gunáh ko jantí hai; aur gunáh jab baṛh chuká to maut paidá kartá hai.
2 Kurinthíoṉ 5:7 (URDR55)
kyúṉki ham ímán par chalte haiṉ, na ki áṉkhoṉ dekhe par;
Wá‘iz 6:9 (URDR55)
Áṉkhoṉ se dekh lená árzú kí áwáragí se bihtar hai; yih bhí butlán aur hawá kí charán hai.
Lúqá 11:35 (URDR55)
Pas dekhná, jo raushní tujh meṉ hai táríkí to nahíṉ.
Lúqá 10:24 (URDR55)
Kyúṉki maiṉ tum se kahtá húṉ, ki Bahut se nabíoṉ aur bádsháhoṉ ne cháhá, ki jo báteṉ tum dekhte ho dekheṉ, magar na dekhíṉ; aur jo báteṉ tum sunte ho suneṉ, magar na suníṉ.
IFISÍOṈ 1
; 18 aur tumháre dil kí áṉkheṉ raushan ho jáeṉ, táki tum ko maʻlúm ho, ki us ke buláne se kaisí kuchh ummed hai, aur us kí mírás ke jalál kí daulat muqaddasoṉ meṉ kaisí kuchh hai;
Comments
Post a Comment