रूहानी नियत जिस्मानी नियत spiritual intention physical intention @YasarimEl

 

Fazl or sachchai se mamur kalisiya jo maish ka badan hai or jinska sir masih hai

Kaise hain aap sab log

Masih yesu men aap saboh ki salamati ho

Aaj hum sikhne ja rahen ruh l quds ki madad se

Ki kalam ke dwara

Yani

Iblis

Or khuda ka ruh

Khuda ke kalam ko kaise padte sunte samjhte hain

Hai khuda ka kalam hi magar

Ruhani niyat or jismani niyat se pado ge to uke result

Bhi usi tarah ke hunge

Romíoṉ 8:6 (URDR55)

Aur jismání níyat maut hai; magar rúhání níyat zindagí aur itmínán hai:

Romíoṉ 8:7 (URDR55)

is liye ki jismání níyat Ḳhudá kí dushmaní hai; kyúṉki na to Ḳhudá kí sharíʻat ke tábiʻ hai, na ho saktí hai:

Romíoṉ 8:5 (URDR55)

Kyúṉki jo jismání haiṉ, wuh jismání bátoṉ ke ḳhayál meṉ rahte haiṉ; lekin jo rúhání haiṉ, wuh rúhání bátoṉ ke ḳhayál meṉ rahte haiṉ.

                                                                                                                                    

 17Aur dekho, ásmán se yih áwáz áí, ki Yih merá piyárá Beṭá hai, jis se maiṉ ḳhush húṉ.

MATÍ 4

1Us waqt Rúh Yisúʻ ko jangal meṉ le gayí, táki Iblís se ázmáyá jáe

 

Iblish yani shrir shaitan yani jismani niyat

Ye hum sab ne jaroor pada hua hoga

Lekin iske piche mukashafa hai

Ruhani niyat or jismani niyat

 2Aur chálís din aur chálís rát fáqa karke, áḳhir ko use bhúk lagí. 3Aur ázmánewále ne pás ákar us se kahá, ki Agar tú Ḳhudá ká Beṭá hai, to farmá ki yih patthar roṭiyáṉ ban jáeṉ.

 

Ab jismani niyat wala yani azmanewala ye baat jismani niyat se bol raha

Ab yesu masih jawab ruhani niyat se de rahen hain

'Us ne jawáb meṉ kahá; Likhá hai, ki Ádmí sirf rotí hí se jítá na rahegá, balki har bát sé, jo Ḳhudá ke muṉh se nikaltí hai. '

 

Matí 4:4

Ab jismani niyat roti konsi hai jo hum aam apne gharo men khate hain

Ab shaitan ruhani niyat men ye bilkol nhi janta

Ki ye wuhi to  pathar hai jo roti ban chukka hai

YÚHANNÁ 6

; 48Zindagí kí roṭí maiṉ húṉ. 49Tumháre bápdádá ne biyábán meṉ mann kháyá, aur mar gaye. 50Yih wuh roṭí hai jo ásmán se utartí hai, táki ádmí us meṉ se kháe aur na mare. 51Maiṉ húṉ wuh zindagí kí roṭí jo ásmán se utrí: agar koí is roṭí meṉ se kháe, to abad tak zinda rahegá; 

 

ZABÚR 118

; 22Jis patthar ko mi‘mároṉ ne radd kiyá,

Wuhí kone ke sire ká patthar ho gayá.

 

MATÍ 4

; 5Tab Iblís use muqaddas shahr meṉ le gayá, aur haikal ke kangure par khaṛá karke us se kahá, ki 6Agar tú Ḳhudá ká Beṭá hai, to apne taíṉ níche girá de; kyúṉki likhá hai, ki

Wuh terí bábat apne firishtoṉ ko hukm degá;

Aur wuh tujhe háthoṉ par uṭhá leṉge,

Aisá na ho, ki tere páṉw ko patthar ki ṭhes lage.

 

Ab ye hai jismani niyat  jo maut hai

 

44 Phir us ne un se kahá, ki Yih merí wuh báteṉ haiṉ, jo maiṉ ne tum se us waqt kahí thíṉ, jab tumháre sáth thá, ki zarúr hai ki jitní báteṉ; Músá kí Tauret, aur nabíoṉ ke sahífoṉ, aur Zabúr meṉ merí bábat likhí haiṉ, púrí hoṉ. 45Phir us ne un ká zihn kholá, táki kitáb i muqaddas ko samjheṉ

ZABÚR 91

; 11Kyúṉki wuh terí bábat apne firishtoṉ ko hukm degá,

Ki terí sab ráhoṉ meṉ terí hifázat kareṉ.

12Wuh tujhe apne háthoṉ par uṭhá leṉge,

Tá aisá na ho ki tere páṉw ko patthar se ṭhes lage.

 

Ab azmanewala  wuhi paurane ahd name ke kalam ko

Jismani niyat se istemal kar raha

Or masih yesu jismani niyat ka jawaab

Ruhani niyat se de rahen

7Yisúʻ ne us se kahá; Yih bhí likhá hai, ki Tú Ḳhudáwand apne Ḳhudá ki ázmáish na kar. 

ISTISNÁ 6

; 16Tum Ḳhudáwand apne Ḳhudá ko mat ázmáná,

Sike matlab ye nhi ke ye hua nhi hua magar jismani niyat ke taur par nhi hua

Or azmane wale ke mutabik jismani niyat se nhi hua

8Phir Iblís use ek bahut úṉche paháṛ par le gayá, aur dunyá ki sárí badsháhateṉ aur un kí shán o shaukat use dikháí, 9aur us se kahá, ki Agar tú jhukkar mujhe sijḍa kare, to yih sab kuchh tujhe de dúṉgá. 10Yisúʻ ne us se kahá; Ai Shaitán, dúr ho, ḳyúṉki likhá hai, ki Tú Ḳhudáwand apne Ḳhudá ko sijda kar, aur sirf usi kí ʻibádat kar. 11Tab Iblís us ke pás se chalá gayá; aur dekho, firishte ákar us kí ḳhidmat karne lage.

 

Iblis ruhani niyat men ye nhi janta tha ki

KULUSSÍOṈ 1

; 15wuh andekhe Ḳhudá kí súrat aur tamám maḳhlúqát se pahle maulúd hai; 16kyúṉki usí meṉ sárí chízeṉ paidá kí gayíṉ, ásmán kí hoṉ, yá zamín kí, dekhí hoṉ, yá andekhí, taḳht hoṉ, yá riyásateṉ, yá hukúmateṉ, yá iḳhtiyárát; sárí chízeṉ usí ke wasíle se, aur usí ke wáste paidá húí haiṉ; 17aur wuh sab chízoṉ se pahle hai, aur usí meṉ sárí chízeṉ qáim rahtí haiṉ.

 

 

Or ye nhi ki yesu ne apni jaan nhi di

Magar iblis ke kehne ke mutabik jismani niyat ke jhanse men akar ye nhi kiya

YÚHANNÁ 10

; 17Báp mujh se is liye mahabbat rakhtá hai, ki maiṉ apní ján detá húṉ táki use phir le lúṉ. 18Koí use mujh se chhíntá nahíṉ, balki maiṉ use áp hí detá húṉ. Mujhe us ke dene ka bhí iḳhtiyár hai, aur us ke phir lene ká bhí iḳhtiyár hai. Yih hukm mere Báp se mujhe milá.