Shalom masih yeshu men aap saboh ki salamati
To humare masih bhai hain
@vivekuraon8043
Jinho ne comment men likha ki
Papa ji meri patni ko bache ashish de prathna kar dijiye amen
haleluiya amen
Sab se pehle aap sab ka bauht bauht shukriya jo apne apna
keemati waqt
Khuda ke kalam men bhoa
To aj ka updesh harek os masih ke bhai ke liye
madadgar hai
Jo bhai vevek ki satuation men hai
Matí 23
; 9Aur zamín
par kisí ko apná báp na kaho; kyúṉki tumhárá Báp ek hí hai, jo ásmání hai.
Matí 6
; 31Is liye
fikrmand hokar yih na kaho, kí Ham kyá kháeṉge? yá kyá píeṉge? yá kyá pahineṉge? 32kyúṉki in
sab chízoṉ kí talásh meṉ gairqaumeṉ rahtí haiṉ; aur tumhárá ásmání Báp jántá
hai, ki tum in sab chízoṉ ke muhtáj ho; 33balki tum
pahle us kí bádsháhat aur us kí rástbází kí talásh karo, to yih sab chízeṉ bhí
tumheṉ mil jáeṉgí.
3 Yúhanná 1
; 2Ai piyáre,
maiṉ yih duʻá máṉgtá húṉ, ki jis tarah tú rúhání taraqqí kar rahá hai, isí
tarah tú sab bátoṉ meṉ taraqqí kare, aur tandurust rahe.
Zabúr 113
Zabúr 113
;
9Wuh báṉjh ká ghar basátá hai,
Aur
use bachchoṉwálí banákar dilshád kartá hai.
Zabúr
127:3 (URDR55)
Dekho,
aulád Ḳhudáwand kí taraf se mírás hai; Aur peṭ ká phal usí kí taraf se ajr hai.
Romíoṉ 4:16 (URDR55)
Isí
wáste wuh mírás ímán se miltí hai, táki fazl ke taur par ho, aur wuh waʻda kull
nasl ke liye qáim rahe;
Romíoṉ
10:17 (URDR55)
Pas
ímán sunne se paidá hotá hai, aur sunná Masíh ke kalám se.
ʻIbrá Níoṉ 12:2 (URDR55)
aur
ímán ke bání aur kámil karnewále Yisúʻ ko takte raheṉ, jis ne us ḳhushí ke liye
jo us kí nazaroṉ ke sámne thí, sharmindagí kí parwá na karke, salíb ká dukh
sahá, aur Ḳhudá ke taḳht kí dahiní taraf já baiṭhá.
Romíoṉ 4
; 17(chunáṉchi
likhá hai, ki Maiṉ ne tujhe bahut sí qaumoṉ ká báp banáyá;) us Ḳhudá ke sámne,
jis par wuh ímán láyá, aur jo murdoṉ ko zinda kartá hai, aur jo chízeṉ nahíṉ
haiṉ, un ko is tarah bulá letá hai, ki goyá wuh haiṉ. 18Wuh
náummedí kí hálat meṉ ummed ke sáth ímán láyá, táki is qaul ke bamújib ki Terí
nasl aisí hí hogí, wuh bahut sí qaumoṉ ká báp ho. 19Aur wuh jo
taqríban sau baras ká thá, báwujúd apne murda se badan aur Sáráh ke rihm kí
murdagí par liház karne ke, ímán meṉ zaʻíf na húá, 20aur na
beímán hokar Ḳhudá ke waʻde meṉ shakk kiyá, balki ímán meṉ mazbút hokar Ḳhudá
kí tamjíd kí; 21aur us ko kámil iʻtiqád húá, ki jo kuchh us ne
waʻda kiyá hai, wuh us ke púrá karne par bhí qádir hai.
Paidáish 12
1Aur Ḳhudáwand ne
Abrám se kahá, ki Tú apne watan aur apne nátedároṉ ke bích se, aur apne báp ke
ghar se nikalkar us mulk meṉ já jo maiṉ tujhe dikháúṉgá. 2Aur
maiṉ tujhe ek baṛí qaum banáúṉgá, aur barakat dúṉgá, aur terá nám sarfaráz
karúṉgá, so tú bá‘is i barakat ho; 3jo tujhe mubárak kaheṉ, un ko maiṉ barakat
dúṉgá; aur jo tujh par la‘nat kare, us par maiṉ la‘nat karúṉgá; aur zamín ke
sab qabíle tere wasíle se barakat páeṉge. 4So Abrám, Ḳhudáwand ke
kahne ke mutábiq, chal paṛá;
Paidáish 15
; 3Phir Abrám
ne kahá, ki Dekh, tú ne mujhe koí aulád nahíṉ dí: aur dekh, merá ḳhánazád merá
wáris hogá. 4Tab Ḳhudáwand ká
kalám us par názil húá aur us ne farmáyá:
Paidáish 17
1Jab Abrám ninánawe baras ká húá, tab Ḳhudáwand Abrám ko nazar áyá, aur
us se kahá, ki Maiṉ Ḳhudá e Qádir húṉ; tú mere huzúr meṉ chal, aur kámil
ho. 2Aur
maiṉ apne aur tere darmiyán ‘ahd báṉdhúṉgá, aur tujhe bahut ziyáda
baṛháúṉgá.
3Tab Abrám
sarnigún ho gayá, aur Ḳhudá ne us se hamkalám hokar farmáyá, 4ki Dekh,
merá ‘ahd tere sáth hai; aur tú bahut qaumoṉ ká báp hogá. 5Aur terá
nám phir Abrám nahíṉ kahláegá, balki terá nám Abrahám hogá; kyúṉki maiṉ ne
tujhe bahut qaumoṉ ká báp ṭhahrá diyá hai. 6Aur maiṉ
tujhe bahut baromand karúṉgá, aur qaumeṉ terí nasl se hoṉgí, aur bádsháh terí
aulád meṉ se barpá hoṉge. 7Aur maiṉ
apne aur tere darmiyán, aur tere ba‘d terí nasl ke darmiyán un kí sab pushtoṉ
ke liye, apná ‘ahd, jo abadí ‘ahd hogá, báṉdhúṉgá, táki maiṉ terá aur tere ba‘d
terí nasl ká Ḳhudá rahúṉ.
ʻIbrá Níoṉ 11
; 11Ímán hí se
Sáráh ne bhí sinn i yás ke baʻd hámila hone kí táqat páí, is liye ki us ne
waʻda karnewále ko sachchá jáná: 12pas ek shaḳhs
se jo murda sá thá, ásmán ke sitároṉ ke barábar kasír, aur samundar ke kanáre
kí ret ke barábar beshumár aulád paidá húí.
Paidáish 25
; 21Aur Izháq
ne apní bíwí ke liye Ḳhudáwand se
du‘á kí, kyúṉki wuh báṉjh thí: aur Ḳhudáwand ne
us kí du‘á qubúl kí; aur us kí bíwí Ribqah hámila húí.
Paidáish 30
; 22Aur Ḳhudá
ne Ráḳhil ko yád kiyá, aur Ḳhudá ne us kí sunkar us ke rihm ko kholá. 23Aur wuh
hámila húí, aur us ke beṭá húá.
Quzát 13
; 2Aur Dáníoṉ
ke gharáne meṉ Sur‘ah ká ek shaḳhs thá, jis ká nám Manoha thá. Us kí bíwí báṉjh
thí, so us ke koí bachcha na húá. 3Aur Ḳhudáwand ke firishte ne us ‘aurat
ko dikháí dekar us se kahá, Dekh, tú báṉjh hai, aur tere bachcha nahíṉ hotá:
par tú hámila hogí, aur tere beṭá hogá. 4So ḳhabardár,
mai yá nashe kí chíz na píná, aur na koí nápák chíz kháná. 5Kyúṉki
dekh, tú hámila hogí, aur tere beṭá hogá;
Lúqá 1
;
5Yahúdiya ke bádsháh Herodes ke zamáne meṉ
Abiyyáh ke faríq meṉ se Zakaryáh nám ek káhin thá, aur us kí bíwí Hárún kí
aulád meṉ se thí, aur us ká nám Ilíshibaʻ thá. 6Aur
wuh donoṉ Ḳhudá ke huzúr rástbáz aur Ḳhudáwand ke sáre hukmoṉ aur qánúnoṉ par
beʻaib chalnewále the. 7Aur un ke aulád na thí, kyúṉki Ilíshibaʻ báṉjh thí,
aur donoṉ ʻumr rasída the.
8Jab wuh Ḳhudá ke huzúr apne faríq kí bárí par
kahánat ká kám anjám detá thá, to aisá húá 9ki kahánat ke dastúr ke muwáfiq us ke nám ká
qurʻa niklá, ki Ḳhudáwand ke maqdis meṉ jákar ḳhushbú jaláe: 10aur
logoṉ kí sárí jamáʻat ḳhushbú jaláte waqt báhar duʻá máṉg rahí thí, 11ki
Ḳhudáwand ká fírishta ḳhushbú ke mazbah kí dahiní taraf khaṛá húá us ko dikháí
diyá. 12Aur
Zakaryáh dekhkar ghabráyá aur us par dahshat chhá gayí. 13Magar
firishte ne us se kahá: Ai Zakaryáh, ḳhauf na kar; kyúṉki terí duʻá sun lí
gayí, aur terí bíwí Ilíshibaʻ tere liye beṭá janegí;
14Aur tujhe ḳhushí
o ḳhurramí hogí, aur bahut se log us kí paidáish ke sabab ḳhush hoṉge. 15Kyúṉki wuh Ḳhudáwand
ke huzúr meṉ buzurg hogá, aur hargiz na mai na koí âur sharáb píegá, aur apní
máṉ ke peṭ hí se Rúhuʼl Quds se bhar jáegá, 16aur bahut
se baní Isráíl ko Ḳhudáwand kí taraf, jo un ká Ḳhudá hai, pheregá.
Zabúr 128
;
3Terí bíwí tere ghar ke andar mewadár ták kí
mánind hogí,
Aur
terí aulád tere dastarḳhwán par zaitún ke paudoṉ kí mánind.
Comments
Post a Comment