Yúhanná 4
: 25ʻAurat ne
us se kahá; Maiṉ jántí húṉ, ki Masíh, jo Ḳhristus kahlátá hai, ánewálá hai; jab
wuh áegá, to hameṉ sab báteṉ batá degá. 26Yísúʻ ne us
se kahá; Maiṉ jo tujh se bol rahá húṉ, wuhí húṉ.
'Pas Yahúdíoṉ ne kahá;
Yúhanná 8:22
Yúhanná 8
: 25Unhoṉ ne us
se kahá; Tú kaun hai? Yisúʻ ne un se kahá; Wuhí húṉ jo shurúʻ se tum se kahtá
áyá húṉ. 26Mujhe tumhárí nisbat bahut kuchh kahná aur
faisala karná hai.
Yúhanná 8:24 (URDR55)
Is liye maiṉ ne tum se yih kahá, ki apne gunáhoṉ meṉ maroge;
kyúṉki agar tum ímán na láoge ki maiṉ wuhí húṉ, to apne gunáhoṉ meṉ maroge.
Yúhanná 13
: 19Ab maiṉ us ke hone se pahle tum ko jatáe detá húṉ,
táki jab ho jáe, to tum ímán láo ki maiṉ wuhí húṉ.
Amsál 4:23 (URDR55)
Apne dil kí ḳhúb hifázat kar; Kyúṉki zindagí ká sarchashma wuhí
hai.
Yúhanná 20
: 11Lekin Maryam báhar qabr ke pás khaṛí rotí rahí,
aur jab rote rote qabr kí taraf jhukke andar nazar kí, 12to do firishtoṉ ko safed poshák pahine húe, ek ko sirháne
aur dúsre ko páeṉtí baiṭhe dekhá, jaháṉ Yisúʻ ki lásh paṛí thí. 13Unhoṉ ne us se kahá; Ai ʻaurat, tú kyúṉ rotí hai? Us ne
un se kahá; Is liye ki mere Ḳhudáwand ko uṭhá le gaye, aur maʻlúm nahíṉ ki use
kaháṉ rakkhá. 14Yih kahkar wuh píchhe phirí, aur Yisúʻ ko khaṛe
dekhá, aur na pahcháná ki yih Yisúʻ hai. 15Yisúʻ ne us se kahá, ki Ai ʻaurat, tú kyúṉ rotí hai? kis
ko ḍhúṉḍhtí hai? Us ne bágbán samajhkar us se kahá, kí Miyáṉ, agar tú ne us ko
yaháṉ se uṭháyá ho, to mujhe batá de, ki use kaháṉ rakkhá hai, táki maiṉ use le
jáúṉ. 16Yisúʻ ne us se kahá; Maryam! Wuh phirkar us se
ʻIbrání zabán meṉ bolí; Rabbúní! yaʻní Ai ustád! 17Yisúʻ ne us se kahá; Mujhe na chhú; kyúṉki maiṉ ab tak
Báp ke pás úpar nahíṉ gayá; lekin mere bháiyoṉ ke pás jákar un se kah, ki Maiṉ
apne Báp aur tumháre Báp ke, aur apne Ḳhuda aur tumháre Ḳhudá ke pás úpar játá
húṉ.
Yúhanná 16
5Magar ab maiṉ apne bhejnewále ke pás játá húṉ; aur tum meṉ
se koí mujh se nahíṉ púchhtá, ki Tú kaháṉ játá hai? 6balki is liye ki maiṉ ne yih báteṉ tum se kahíṉ, tumhárá
dil gam se bhar gayá. 7Lekin maiṉ tum se sach kahtá húṉ, ki Merá jáná
tumháre liye fáidamand hai; kyúṉki agar maiṉ na jáúṉ, to wuh Madadgár tumháre
pás na áegá; lekin agar jáúṉgá, to use tumháre pás bhej dúṉgá. 8Aur wuh ákar dunyá ko gunáh, aur rástbází, aur ʻadálat ke
báre meṉ qusúrwár ṭhahráegá: 9gunáh ke báre meṉ, is liye ki wuh mujh par ímán nahíṉ
láte; 10rástbází ke báre meṉ, is liye ki maiṉ Báp ke pás
játá húṉ, aur tum mujhe phir na dekhoge; 11ʻadálat ke báre meṉ, is liye ki dunyá ká sardár mujrim ṭhahráyá
gayá hai. 12Mujhe tum se âur bhí bahut sí báteṉ kahní haiṉ;
magar ab tum un kí bardásht nahíṉ kar sakte. 13Lekin jab wuh, yaʻní Sachcháí kí Rúh, áegí, to tum ko
tamám sachcháí kí ráh dikháegí: is liye ki wuh apní taraf se na kahegí; lekin
jo kuchh sunegí, wuhí kahegí, aur tumheṉ áyanda kí ḳhabareṉ degí. 14Wuh merá jalál záhir karegí; is liye ki mujh hí se hásil
karke tumheṉ ḳhabareṉ degí. 15Jo kuchh Báp ká hai, wuh sab merá hai; is liye maiṉ ne
kahá, ki wuh mujh hí se hásil kartí hai, aur tumheṉ ḳhabareṉ degí. 16Thoṛí der meṉ tum mujhe na dekhoge; aur phir thoṛí der meṉ
mujhe dekh loge. 17Pas us ke baʻz shágirdoṉ ne ápas meṉ kahá; Yih
kyá hai jo wuh ham se kahtá hai, ki Thoṛí der meṉ tum mujhe na dekhoge; aur
phir thoṛí der meṉ mujhe dekh loge: aur yih, ki Is liye ki maiṉ Báp ke pás játá
húṉ? 1
25Maiṉ ne yih báteṉ tum se tamsíloṉ meṉ kahíṉ; wuh
waqt átá hai ki phir tum se tamsíloṉ meṉ na kahúṉgá, balki sáf sáf tumheṉ Báp
kí ḳhabar dúṉgá.
26Us din tum mere nám se máṉgoge: aur maiṉ tum se yih nahíṉ
kahtá, ki Báp se tumháre liye darḳhwást karúṉgá; 27is liye ki Báp to áp hí tum ko ʻazíz rakhtá hai, kyúṉki
tum ne mujh ko ʻazíz rakkhá hai, aur ímán láe ho ki maiṉ Báp kí taraf se
niklá. 28Maiṉ Báp meṉ se niklá aur dunyá meṉ áyá húṉ; phir
dunyá se ruḳhsat hokar Báp ke pás játá húṉ.
Yúhanná 14
17yaʻní
sachcháí kí Rúh, jise dunyá hásil nahíṉ kar saktí, kyúṉki na use dekhtí, aur na
jántí hai: tum use jánte ho; kyúṉki wuh tumháre sáth rahtí hai, aur tumháre
andar hogí. 18Maiṉ tumheṉ yatím na chhoṛúṉgá; maiṉ tumháre pás
áúṉgá. 19Thoṛí der báqí hai, ki dunyá mujhe phir na
dekhegí; magar tum mujhe dekhte rahoge: chúṉki maiṉ jítá húṉ, tum bhí jíte
rahoge. 20Us roz tum jánoge ki maiṉ apne Báp meṉ húṉ, aur
tum mujh meṉ, aur maiṉ tum meṉ.
Yúhanná
15:26 (URDR55)
Lekin jab wuh Madadgár áegá, jis ko maiṉ tumháre pás Báp kí
taraf se bhejúṉgá, yaʻní Sachcháí kí Rúh, jo Báp kí taraf se nikaltí hai, to
wuh merí gawáhí degí:
Yúhanná 8
: is liye ki maiṉ Ḳhudá meṉ se
niklá aur áyá húṉ; kyúṉki maiṉ áp se nahíṉ áyá, balki usí ne mujhe bhejá.
'Maiṉ Báp meṉ se niklá aur dunyá meṉ áyá húṉ; phir dunyá se
ruḳhsat hokar Báp ke pás játá húṉ. '
Yúhanná 16:28
Yúhanná 14
: 10Kyá tú
yaqín nahíṉ kartá, ki maiṉ Báp meṉ húṉ, aur Báp mujh meṉ hai? Yih báteṉ jo maiṉ
tum se kahtá húṉ, apní taraf se nahíṉ kahtá: lekin Báp mujh meṉ rahkar apne kám
kartá hai. 11Merá yaqín karo, ki maiṉ Báp meṉ húṉ, aur Báp
mujh meṉ; nahíṉ to mere kámoṉ hí ke sabab merá yaqín karo.
Yúhanná 10
: 30Maiṉ aur
Báp ek haiṉ.
Mukáshafa 1
1Yisúʻ Masíh ká
mukáshafa, jo use Ḳhudá kí taraf se is liye húá ki apne bandoṉ ko wuh báteṉ
dikháe, jin ká jald honá zarúr hai:
Ifisíoṉ 1
: 17ki hamáre Ḳhudáwand
Yisúʻ Masíh ká Ḳhudá, jo jalál ká Báp hai, tumheṉ apní pahchán meṉ hikmat aur
mukáshafe kí rúh baḳhshe; 18aur tumháre
dil kí áṉkheṉ raushan ho jáeṉ, táki tum ko maʻlúm ho, ki us ke buláne se kaisí
kuchh ummed hai, aur us kí mírás ke jalál kí daulat muqaddasoṉ meṉ kaisí kuchh
hai;
1 Yúhanná 2
: 27Aur tumhárá
wuh masah jo us kí taraf se kiyá gayá, tum meṉ qáim rahtá hai, aur tum is ke
muhtáj nahíṉ, ki koí tumheṉ sikháe; balki jis tarah wuh masah jo us kí taraf se
kiyá gayá, tumheṉ sab báteṉ sikhátá hai, aur sachchá hai, aur jhúṭhá nahíṉ, aur
jis tarah us ne tumheṉ sikháyá, usí tarah tum us meṉ qáim rahte ho.
Lúqá 9
: 51Jab wuh din
nazdík áe ki wuh úpar uṭháyá jáe, to aisá húá ki us ne Yarúshalem ke jáne ko
kamar báṉdhí, 52aur apne áge qásíd bheje; wuh jákar Sámaríoṉ ke
ek gáṉw meṉ dáḳhil húe, táki us ke liye taiyárí kareṉ. 53Lekin unhoṉ
ne us ko ṭikne na diyá, kyúṉki us ká ruḳh Yarúshalem kí taraf thá. 54Yih dekhkar
us ke shágird Yaʻqúb aur Yúhanná ne kahá; Ai Ḳhudáwand, kyá tú cháhtá hai ki
ham hukm deṉ, ki ásmán se ág názil hokar unheṉ bhasam kar de [jaisá Eliyyáh ne
kiyá]? 55Magar us ne phirkar unheṉ jhiṛká, [aur kahá, Tum
nahíṉ jánte ki tum kaisí rúh ke ho. Kyúṉki Ibn i Ádam logoṉ kí ján barbád karne
nahíṉ, balki bacháne áyá].
Aʻmál 11
:aur shágird pahle Antákiya hí
meṉ Masíhí kahláe.
Romíoṉ 8
; 9Lekin tum
jismání nahíṉ, balki rúhání ho, basharte ki Ḳhudá kí Rúh tum meṉ basí húí hai.
Magar jis meṉ Masíh kí Rúh nahíṉ, wuh us ká nahíṉ. 10Aur agar
Masíh tum meṉ hai, to badan to gunáh ke sabab se murda hai; magar rúh rástbází
ke sabab se zinda hai. 11Aur agar usí kí Rúh tum meṉ basí húí hai, jis ne
Yisúʻ ko murdoṉ meṉ se jiláyá, to jis ne Masíh Yisúʻ ko murdoṉ meṉ se jiláyá,
wuh tumháre fání badanoṉ ko bhí apní us Rúh ke wasíle se zinda karegá, jo tum
meṉ basí húí hai.
12Pas, ai
bháiyo, ham qarzdár to haiṉ, magar jism ke nahíṉ, ki jism ke mutábiq zindagí
guzáreṉ. 13Kyúṉki agar tum jism ke mutábiq zindagí guzároge,
to zarúr maroge. Aur agar rúh se badan ke kámoṉ ko nest o nábúd karoge, to jíte
rahoge. 14Is liye ki jitne Ḳhudá kí Rúh kí hidáyat se
chalte haiṉ, wuhí Ḳhudá ke beṭe haiṉ.
2 Kurinthíoṉ 3
; 17Aur wuh Ḳhudáwand
Rúh hai: aur jaháṉ kahíṉ Ḳhudáwand kí Rúh hai, waháṉ ázádí hai.
Yúhanná 8:32 (URDR55)
aur sachcháí se wáqif hoge, aur sachcháí tum ko ázád karegí.
Yúhanná 8:36 (URDR55)
Pas agar Beṭá tumheṉ ázád karegá, to tum wáqaʻí ázád hoge.
Galatíoṉ 5:1 (URDR55)
Masíh ne hameṉ ázád rahne ke liye ázád kiyá hai.
Galatíoṉ 4:6 (URDR55)
Aur chúṉki tum beṭe ho, is liye Ḳhudá ne apne Beṭe kí Rúh hamáre
diloṉ meṉ bhejí, jo Abbá, yaʻní, Ai Báp, kah kahkar pukártí hai.
Galatíoṉ 4:7 (URDR55)
Pas ab tú gulám nahíṉ, balki beṭá hai; aur jab beṭá húá, to
Ḳhudá ke sabab wáris bhí húá.
Ifisíoṉ 4
20Magar tum ne Masíh kí aisí taʻlím nahíṉ
páí; 21balki tum ne us sachcháí ke mutábiq, jo Yisúʻ meṉ
hai, usí kí suní, aur us meṉ yih taʻlím páí hogí, 22ki tum apne agle chál chalan kí us purání insáníyat ko
utár ḍálo, jo fareb kí shahwatoṉ ke sabab se ḳharáb hotí játí hai; 23aur apní ʻaql kí rúhání hálat meṉ naye bante jáo, 24aur nayí insáníyat ko pahino, jo Ḳhudá ke mutábiq
sachcháí kí rástbází aur pákízagí meṉ paidá kí gayí hai.
: 29Koí gandí
bát tumháre muṉh se na nikle, balki wuhí jo zarúrat ke muwáfiq taraqqí ke liye
achchhí ho, táki us se sunnewáloṉ par fazl ho. 30Aur Ḳhudá
kí pák Rúh ko ranjída na karo, jis se tum par maḳhlasí ke din ke liye muhr
húí.
Galatíoṉ 6:2 (URDR55)
Tum ek dúsre ká bár uṭháo, aur yúṉ Masíh kí sharíʻat ko púrá
karo.
1 Patras 1
: 10Isí naját kí bábat un nabíoṉ ne baṛí talásh aur tahqíq kí, jinhoṉ ne us
fazl ke báre meṉ jo tum par hone ko thá, nubuwwat kí. 11Unhoṉ ne is bát kí tahqíq
kí, ki Masíh kí Rúh, jo un meṉ thí, aur peshtar se Masíh ke dukhoṉ kí, aur un
ke baʻd ke jalál kí gawáhí detí thí, wuh kaun se aur kaise waqt kí taraf ishára
kartí thí. 12Un par yih záhir kiyá
gayá, ki wuh na apní, balki tumhárí ḳhidmat ke liye yih báteṉ kahá karte the,
jin kí ḳhabar ab tum ko un kí maʻrifat milí, jinhoṉ ne Rúhuʼl Quds ke wasíle jo
ásmán par se bhejá gayá, tum ko ḳhushḳhabarí dí; aur firishte bhí in bátoṉ par
gaur se nazar karne ke mushtáq haiṉ.
13Is wáste apní ʻaql
kí kamar báṉdhkar, aur hoshyár hokar, us fazl kí kámil ummed rakkho, jo Yisúʻ
Masíh ke zuhúr ke waqt tum par honewálá hai; 14aur farmánbardár farzand
hokar apní jahálat ke zamáne kí purání ḳhwáhishoṉ ke tábiʻ na bano; 15balki jis tarah tumhárá
bulánewálá pák hai, usí tarah tum bhí apne sáre chál chalan meṉ pák bano; 16kyúṉki likhá hai, ki Pák
ho, is liye ki maiṉ pák húṉ.
Romíoṉ 8
: 26Isí tarah
Rúh bhí hamárí kamzorí meṉ madad kartí hai, kyúṉki jis taur se ham ko duʻá máṉgní
cháhiye wuh nahíṉ átí; magar Rúh ḳhud aisí áheṉ bhar bharke hamárí shafáʻat
kartí hai, jin ká bayán nahíṉ ho saktá. 27Aur diloṉ
ká parakhnewálá jántá hai, ki Rúh kí kyá níyat hai: kyúṉki wuh Ḳhudá kí marzí
ke muwáfiq muqaddasoṉ kí shafáʻat kartá hai. 28Aur ham ko
maʻlúm hai, ki sab chízeṉ milkar Ḳhudá se mahabbat rakhnewáloṉ ke liye bhaláí
paidá kartí haiṉ; yaʻní un ke liye, jo Ḳhudá ke iráde ke muwáfiq buláe
gaye. 29Kyúṉki jinheṉ us ne pahle se jáná, unheṉ pahle se
muqarrar bhí kiyá, ki us ke Beṭe ke hamshakl hoṉ, táki wuh bahut se bháiyoṉ meṉ
pahlauṭhá ṭhahre: 30aur jin ko us ne pahle se muqarrar kiyá, unheṉ
buláyá bhí: aur jinheṉ buláyá, un ko rástbáz bhí ṭhahráyá: aur jin ko rástbáz ṭhahráyá,
un ko jalál bhí baḳhshá.
Ifisíoṉ 2
8kyúṉki tum
ko ímán ke wasíle fazl hí se naját milí hai: aur yih tumhárí taraf se nahíṉ: Ḳhudá
ki baḳhshish hai: 9aur na aʻmál ke sabab se hai, táki koí faḳhr na
kare. 10Kyúṉ-ki ham usí kí karígarí haiṉ, aur Masíh Yisúʻ
meṉ un nek ʻamál ke wáste maḳhlúq húe, jin ko Ḳhudá ne pahle se hamáre karne ke
liye taiyár kiyá thá.
Ifisíoṉ 2
1Aur us ne tumheṉ bhí zinda kiyá, jab apne
qusúron aur gunáhoṉ ke sabab murda the, 2jin meṉ tum peshtar dunyá kí
rawish par chalte the, aur hawá kí ʻamaldárí ke hákim, yaʻní us rúh kí pairawí
karte the, jo ab náfarmání ke farzandoṉ meṉ tásír kartí hai;
2 Kurinthíoṉ 5:17 (URDR55)
Is liye agar koí Masíh meṉ hai, to wuh nayá maḳhlúq hai: purání
chízeṉ játí rahíṉ; dekho, wuh nayí ho gayíṉ.
गलातियों 6
:4पर ऐसा न हो कि मैं अन्य किसी बात का घमण्ड करूँ, केवल हमारे प्रभु यीशु मसीह के क्रूस का, जिसके द्वारा संसार मेरी दृष्टि में और मैं संसार की दृष्टि में क्रूस पर
चढ़ाया गया हूँ। 15क्योंकि न खतना और न खतनारहित कुछ है, परन्तु नई सृष्टि। 16जितने इस नियम पर चलेंगे उन पर, और परमेश्वर के इस्राएल पर शान्ति और दया होती रहे।
Galatíoṉ 3:28 (URDR55)
Na koí Yahúdí raha, na Yúnání; na koí gulám, na ázád; na koí
mard, na ʻaurat: kyúṉki tum sab Masíh Yisúʻ meṉ ek ho.
Romíoṉ
10:12 (URDR55)
Kyúṉki Yahúdíoṉ aur Yúnáníoṉ meṉ kuchh farq nahíṉ; is liye ki
wuhí sab ká Ḳhudáwand hai, aur apne sab duʻá máṉgnewáloṉ ke liye faiyáz hai.
1 Kurinthíoṉ
12:13 (URDR55)
Kyúṉki ham sab ne, ḳhwáh Yahúdí hoṉ, ḳhwáh Yúnání, ḳhwáh gulám,
ḳhwáh ázád, ek hí Rúh ke wasíle se ek badan hone ke liye baptisma liyá, aur ham
sab ko ek hí Rúh piláí gayí.
Kulussíoṉ 3:11 (URDR55)
waháṉ na Yúnáni rahá, na Yahúdí, na ḳhatna, na námaḳhtúní, na
wahshí, na Skútí, na gulám, na ázád: sirf Masíh sab kuchh aur sab meṉ hai.
Comments
Post a Comment